నటికి చేదు అనుభవం… మత్తులో అందరి ముందు..!

April 16, 2025 / 10:57 AM ISTByPhani Kumar

Join Us

నటికి చేదు అనుభవం… మత్తులో అందరి ముందు..!

ఈ మధ్య కాలంలో చాలా మంది మత్తుకి బానిసలై చేస్తున్న దారుణాలు అన్నీ ఇన్నీ కావు. వీటి గురించి న్యూస్ ఛానల్స్ లో మనం చూస్తూనే ఉన్నాం, వింటూనే ఉన్నాం. చాలా మందికి మద్యం సేవించడం కామన్ అయిపోయిన ఈ రోజుల్లో.. కొంతమంది ఆ మత్తు కూడా సరిపోక మరింత ఎక్కువ డోస్ కోసం డ్రగ్స్ వంటివి వాడుతున్న సందర్భాలు కూడా ఉన్నాయి. అందువల్లే చాలా దారుణాలు తలెత్తుతున్నాయి. ఇదిలా ఉండగా.. ఇలాంటి వాళ్ళ వల్ల హీరోయిన్లకు కూడా ఇబ్బందులు ఎదురవుతున్నట్టు స్పష్టమవుతుంది.

Vincy Sony

షూటింగ్ టైంలో ఓ హీరో కూడా డ్రగ్స్ కొట్టి..హీరోయిన్ తో అసభ్యంగా ప్రవర్తించాడట. వివరాల్లోకి వెళితే.. మలయాళ నటి విన్సీ సోనీ (Vincy Sony) అలోషియస్ చేదు అనుభవం ఎదురైంది. అయితే అది ఇప్పుడు కాదు లెండి. గతంలో ఆమె ఫేస్ చేసిన ఓ సంఘటనను ఆమె సోషల్ మీడియా ముఖంగా గుర్తుచేసుకుంది.ఈ క్రమంలో ఆమె చేసిన వ్యాఖ్యలు కూడా చర్చనీయాంశం అయ్యాయి. గతంలో ఆమె ఓ సినిమా షూటింగ్లో పాల్గొంటున్న టైంలో… ఒక అగ్ర హీరో డ్రగ్స్ కొట్టి ఆ మత్తులో విన్సీ వద్దకు వచ్చాడట.

మరిన్ని సినిమా వార్తలు.

సెట్స్ లో అందరూ చూస్తుండగానే ఆమెతో అసభ్యకరంగా ప్రవర్తించాడట. తర్వాత సెట్స్ లో ఉన్న దర్శకనిర్మాతలు వాళ్ళ అసిస్టెంట్లు వచ్చి… అతన్ని వెనక్కి లాగడంతో బయటపడినట్టు ఆమె తెలిపింది. ఆ సంఘటన ఆమెను భయాందోళనకు గురి చేసినట్లు కూడా చెప్పుకొచ్చింది. ఇటీవల విన్సీ మాదకద్రవ్యాల వ్యతిరేక అవగాహన క్యాంపెయిన్ కి హాజరైంది. ఈ క్రమంలో డ్రగ్స్ అలవాటు ఉన్న నటులతో ఆమె (Vincy Sony) నటించనని కూడా అందులో భాగంగా తెలిపినట్టు చెప్పుకొచ్చింది. ప్రస్తుతం దీనికి సంబంధించిన వీడియో వైరల్ అవుతుంది.