టాలీవుడ్ ఇండస్ట్రీలో పాన్ ఇండియా సినిమాలు ఏ రేంజ్ లో తెరకెక్కుతున్నాయో స్పెషల్ గా చెప్పనవసరం లేదు. అంతే కాకుండా కొన్ని చిన్న సినిమాల్లో కూడా మన హీరోలు చాలా పవర్ఫుల్ గా దర్శనమివ్వబోతున్నారు, అంటే దాదాపు ఒక బీస్ట్ మోడ్ అన్నమాట. అలాంటి పాత్రలతో రాబోతున్న హీరోలపై ఒక లుక్కేస్తే..
RRR కొమురం భీమ్ టీజర్ చూడగానే ఆడియెన్స్ ఎన్టీఆర్ కు బీస్ట్ మోడ్ అని ట్యాగ్ ఇచ్చేశారు. తప్పకుండా ఆ సినిమాలో ఎన్టీఆర్ పాత్ర ఉహించని విధంగా ఉంటుందని క్లారిటీ వచ్చేసింది.
ఇక రామ్ చరణ్ అల్లూరి సీతారామరాజు పాత్రపై కూడా అంచనాలు ఏ రేజ్ లో ఉన్నాయో RRR ఫస్ట్ టీజర్ తోనే అర్దమయ్యింది. ఫిట్నెస్ కోసం చరణ్ చాలా నెలలు కష్టపడ్డాడు. అందుకే ఆయన కూడా బీస్ట్ మోడ్ లో ఉన్నట్లు చెబుతున్నారు.
ఆదిపురుష్ సినిమా కోసం అటు ఎక్కువ కాకుండా అలాగని మరీ తక్కువ కాకుండా ప్రభాస్ పవర్ఫుల్ ఫిట్నెస్ తో కనిపించబోతున్నాడు. రాముడి పాత్రే అయినప్పటికీ యాక్షన్ సీక్వెన్స్ లో విశ్వరూపం చూపిస్తాడని చెప్పవచ్చు.
మరో సినిమా సలార్ లో కూడా ప్రభాస్ సరికొత్త ఫిట్నెస్ తో కనిపించనున్నాడు. దర్శకుడు ప్రశాంత్ నీల్ కాబాట్టి నెవర్ బిఫోర్ అనేలా బీస్ట్ మోడ్ ఉంటుందని చెప్పవచ్చు.
మెగా ప్రిన్స్ వరుణ్ తేజ్ చాలా రోజుల తరువాత ఒక సరికొత్త బీస్ట్ మోడ్ లుక్ లో దర్శనమిచ్చాడు. గని సినిమాలో బాక్సర్ గా కనిపించబోతున్న వరుణ్ బాడీ కూడా గట్టిగానే పెంచాడు.
క్యూట్ లవర్ బాయ్ గా కనిపించే నాగా శౌర్య కూడా మొదటిసారి లక్ష్య సినిమా కోసం సిక్స్ ప్యాక్ తో కనిపించబోతున్న విషయం తెలిసిందే.
రౌడీ బాయ్ విజయ్ దేవరకొండ కెరీర్ లో మొదటిసారి పూరి దర్శకత్వంలో పాన్ ఇండియా సినిమా చేస్తున్నాడు, లైగర్ అనే ఆ సినిమా కోసం బీస్ట్ మోడ్ లోకి షిఫ్ట్ అయ్యాడు.
రానా దగ్గుబాటి అరణ్య సినిమాలో ఒక పవర్ఫుల్ పాత్రలో కనిపించబోతున్న విషయం తెలిసిందే. ఆ సినిమాలో బీస్ట్ మోడ్ కాకుండా అంతకు మించి అనేలా ట్రై చేస్తున్నట్టు అర్ధమవుతోంది.
