Prabhas: హాలీవుడ్ నుంచి ప్రభాస్ కి ఆఫర్!

పాన్ ఇండియా స్టార్ ప్రభాస్ ప్రస్తుతం వరుస సినిమాలతో బిజీగా గడుపుతున్నారు. రీసెంట్ గా ‘ఆదిపురుష్’ సినిమా డాన్స్ రిహార్సల్స్ కోసం బయలుదేరిన ప్రభాస్ మేకప్ లేకుండా దర్శనమిచ్చారు. ఈ ఫొటోల్లో ప్రభాస్ వయసు పైబడిన వాడిలా కనిపించడంతో సోషల్ మీడియాలో బాగా ట్రోల్ చేస్తున్నారు. నార్త్ ఆడియన్స్ అయితే ప్రభాస్ ని ఓ రేంజ్ లో ఆడేసుకుంటున్నాడు. ఇదిలా ఉండగా.. తాజాగా ప్రభాస్ కి హాలీవుడ్ నుంచి ఆఫర్ వచ్చినట్లు తెలుస్తోంది.

లుక్స్ సంగతి పక్కన పెడితే ప్రభాస్ కి ఉన్న క్రేజ్ గురించి ఎంత చెప్పుకున్నా తక్కువే. తెరపై ఆయన కనిపిస్తే చాలు.. నిర్మాతలకు కాసుల వర్షమే. ఇండియాలోనే కాకుండా విదేశాల్లో కూడా ప్రభాస్ డిమాండ్ బాగా పెరిగింది. అందుకే ఇప్పుడొక హాలీవుడ్ ప్రొడక్షన్ హౌస్ ప్రభాస్ డేట్స్ కోసం ప్రయత్నిస్తోంది. సదరు నిర్మాణ సంస్థకు ఓటీటీ ఫ్లాట్ ఫామ్ తో పాటు టీవీ ఛానెల్ కూడా ఉంది. ఇండియాలో కూడా ఈ నిర్మాణ సంస్థకు మంచి పేరుంది.

ఇప్పుడు ఈ సంస్థ ప్రభాస్ తో సినిమా ప్లాన్ చేస్తుంది. ఇప్పటికే ప్రభాస్ కు స్క్రీన్ ప్లే డ్రాఫ్ట్ ను పంపించిందట. ఇదొక హారర్ స్టోరీ అని సమాచారం. నిజానికి ప్రభాస్ కి హారర్ సినిమాలంటే చాలా భయం. గతంలో చాలా సార్లు ఈ విషయాన్ని చెప్పాడు. అలాంటి జోనర్ లో సినిమాలు కూడా చేయనని చెప్పాడు. మరి ఇప్పుడు ఈ హాలీవుడ్ ప్రాజెక్ట్ కి డేట్స్ ఇస్తారో లేదో చూడాలి. ప్రస్తుతం ప్రభాస్ ‘రాధేశ్యామ్’, ‘ఆదిపురుష్’, ‘ప్రాజెక్ట్ కె’ సినిమాలను పూర్తి చేయబోతున్నాడు.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!