రామ్‌చరణ్‌ గురించి తెలిసినోళ్లు, దిల్ రాజు గురించి తెలిసినోళ్లు… ఇలాంటి పుకార్లను నమ్మరు అంటూ ఓ కామెంట్‌ సోషల్‌ మీడియాలో కనిపిస్తోంది. ఆ కామెంట్‌ ఉన్న పోస్ట్‌ ఏంటా అని చూస్తే… ‘గేమ్ ఛేంజర్’ సినిమాను పూర్తిగా ఆపేశారు అని. అదేంటి మొన్నీమధ్యే కదా ఓ మినీ షెడ్యూల్‌ షూటింగ్ చేశారు. త్వరలో మరో మినీ షెడ్యూల్‌ కదా అని అనుకుంటున్నారా? అవును మీరు చదివింది నిజమే… అయితే సోషల్‌ మీడియాలో ఓ వర్గం మాత్రం సినిమా ఆగింది అంటోంది.
దిల్ రాజు తన బ్యానర్‌లో ప్రతిష్ఠాత్మక 50వ సినిమాగా ‘గేమ్ ఛేంజర్’ను (Game Changer) ప్రారంభించారు. అయితే వివిధ కారణాల వల్ల సినిమా ఇంకా పూర్తి కాలేదు. మామూలుగానే దర్శకుడు శంకర్‌ సినిమా టేకింగ్‌ కాస్త ఆలస్యంగా ఉంటారు. దానికితోడు ఎప్పుడో ఆపేసిన ‘భారతీయుడు 2’ మళ్లీ మొదలవ్వడతో ‘గేమ్ ఛేంజర్’ షూటింగ్ హోల్డ్‌లో పడింది. మధ్య మధ్యలో షూటింగ్ చేస్తున్నా ఆ పేస్‌ సరిపోవడం లేదు. అయితే దిల్ రాజు మాట్లాడుతూ త్వరలో పూర్తి స్థాయిలో షూటింగ్ ప్రారంభిస్తామని కూడా చెప్పారు.
కానీ ఏమైందో ఏమో రామ్ చరణ్‌కి, శంకర్‌కి మధ్య విభేదాలు తలెత్తాయనే వార్త గత రెండు రోజులుగా సోషల్‌ మీడియాలోచక్కర్లు కొడుతోంది. సినిమా షూటింగ్ ఆలస్యం అవుతున్న నేపథ్యంలో చరణ్, శంకర్‌ మధ్య జరిగిన చర్చలు ఇబ్బందికర రీతిలో ముగిశాయి అంటూ ఓ పుకారు బయటికొచ్చింది. అలా అలా ఆ వార్త వైరల్‌గా మారింది. దీంతో నిజమా ఈ సినిమా ఆగిపోయిందా అంటూ ప్రశ్నల రూపంలో పుకారు ఇంకా షికార్లు చేస్తోంది.
అయితే శంకర్‌ సినిమాను వదులుకునే పరిస్థితిలో చరణ్ ఉండరు. దానికితోడు దర్శకులతో గొడవలు పడే రకం చరణ్ కాదు అని కూడా ఇండస్ట్రీలో అంటుంటారు. ఇలాంటి సమయంలో ఇంత పెద్ద సినిమాను చరణ్ ఎందుకు నో అనుకుంటాడు అని ఫ్యాన్స్‌ కామెంట్‌ చేస్తున్నారు. ఈ విషయంలో దిల్ రాజు టీమ్‌ ఏమన్నా క్లారిటీ ఇస్తుందేమో చూడాలి.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home