CLAP Teaser: మరో ఛాలెంజింగ్ రోల్ లో ఆది పినిశెట్టి.. ‘క్లాప్’ టీజర్ వైరల్..!

ఆది హీరోగా ఆకాంక్ష సింగ్ హీరోయిన్ గా ప్రథ్వి ఆదిత్య దర్శకత్వంలో తెరకెక్కుతున్న చిత్రం ‘క్లాప్’. బ్రహ్మాజీ, నాజర్, ప్రకాష్ రాజ్ వంటి వారు కీలక పాత్రలు పోషిస్తున్న ఈ బైలింగ్యువల్ మూవీని ‘సర్వాంత రామ్ క్రియేషన్స్’ ‘షిరిడి సాయి మూవీస్’ ‘బిగ్ ప్రింట్ పిక్చర్స్’ సంస్థలు కలిసి నిర్మిస్తున్నాయి. మాస్ట్రో ఇళయరాజా ఈ చిత్రానికి సంగీతం అందిస్తున్నారు. విడుదలకు ముస్తాబవుతున్న ఈ చిత్రం టీజర్ ను కొద్దిసేపటి క్రితం మెగాస్టార్ చిరంజీవి విడుదల చేశారు.

తనకి అత్యంత సన్నిహితుడు అయిన రవి రాజా పినిశెట్టి కొడుకు ఆది పినిశెట్టి తన ఫ్యామిలీ మెంబెర్స్ లో ఒకడని. ఈ ‘క్లాప్’ టీజర్ ను విడుదల చేయడం తనకి చాలా సంతోషాన్ని ఇచ్చిందని.. కచ్చితంగా ఈ మూవీ పెద్ద హిట్ అవుతుందని ఆయన చిత్రబృందానికి బెస్ట్ విషెస్ చెప్పారు. ఇక ‘క్లాప్’ టీజర్ విషయానికి వస్తే.. ఆది పినిశెట్టి ఈ చిత్రంలో రన్నింగ్ రేసర్ గా కనిపించబోతున్నాడు. నేషనల్ లెవెల్ రన్నింగ్ కాంపిటిషన్ లో పాల్గొని విజేతగా నిలవాలని పరితపించే ఓ కుర్రాడిగా కనిపిస్తున్నాడు.

అయితే అతనికి ఆవేశం కూడా ఎక్కువే. అందుకే గొడవలు పడుతున్నట్టు ఈ టీజర్లో చూపించారు.అలాగే ఆకాంక్ష సింగ్ తో లవ్ యాంగిల్ ను కూడా చూపించారు. టీజర్ చివర్లో ఆది .. ఒక కాలుతో మాత్రమే కనిపిస్తుండడం అందరినీ ఒకింత భయపెట్టే విధంగా ఉందనే చెప్పాలి. హీరో ఏ కారణంతో తన కాలుని కోల్పోయాడు అనే విషయాన్ని సస్పెన్స్ గా వదులుతూ టీజర్ ను ముగించారు. మీరు కూడా ఓ లుక్కేయండి :

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!