Aadi Movie: ఆది మూవీ రీరిలీజ్.. కొత్త రికార్డులు గ్యారంటీ!

యంగ్ టైగర్ జూనియర్ ఎన్టీఆర్ సినీ కెరీర్ లోని ప్రత్యేక సినిమాలలో ఆది సినిమా ఒకటనే సంగతి తెలిసిందే. వి.వి.వినాయక్ డైరెక్షన్ లో తెరకెక్కిన ఈ సినిమా అన్ని వర్గాల ప్రేక్షకులను ఆకట్టుకోవడంతో పాటు అప్పట్లోనే రికార్డు స్థాయిలో కలెక్షన్లను సొంతం చేసుకున్న సంగతి తెలిసిందే. అయితే ఆది మూవీ త్వరలో థియేటర్లలో రీరిలీజ్ కానుంది. నిర్మాత బెల్లంకొండ సురేష్ స్వయంగా ఈ విషయాలను వెల్లడించడం గమనార్హం. ఆది మూవీ రీరిలీజ్ అయితే బాక్సాఫీస్ వద్ద కలెక్షన్ల విషయంలో కొత్త రికార్డులు గ్యారంటీ అని నెటిజన్ల నుంచి కామెంట్లు వ్యక్తమవుతూ ఉండటం గమనార్హం.

నవంబర్ నెల 3వ వారంలో ఈ సినిమా థియేటర్లలో రీరిలీజ్ కానుందని తెలుస్తోంది. ఆది సినిమాకు సాధారణ ఫ్యాన్స్ లో కూడా ఎంతోమంది అభిమానులు ఉన్నారు. నిర్మాత బెల్లంకొండ సురేష్ ఆది మూవీని రికార్డ్ స్థాయి థియేటర్లలో రీరిలీజ్ చేస్తున్నట్టు ప్రకటించారు. ఆది మూవీ బ్లాక్ బస్టర్ హిట్ గా నిలవడంతో పాటు ఈ సినిమా తారక్ ను అభిమానులకు దగ్గర చేసింది. అమ్మతోడు.. అడ్డంగా నరికేస్తా అంటూ ఈ సినిమాలో తారక్ చెప్పిన డైలాగ్ ను ప్రేక్షకులు సులువుగా మరిచిపోలేరు.

వి.వి.వినాయక్ ఈ సినిమాతోనే టాలీవుడ్ ఇండస్ట్రీకి పరిచయమయ్యారు. పరిమిత బడ్జెట్ తోనే తెరకెక్కిన ఈ సినిమా అంచనాలకు మించి విజయం సాధించడంతో పాటు ప్రేక్షకులను ఎంతగానో ఆకట్టుకుంది. ఆది సినిమా ఎన్టీఆర్ కెరీర్ కు టర్నింగ్ పాయింట్ అని చెప్పవచ్చు. ఆది సినిమా రీరిలీజ్ అంటే ఎన్టీఆర్ ఫ్యాన్స్ హడావిడి మామూలుగా ఉండదు.

అయితే ఆది రీరిలీజ్ డేట్ కు సంబంధించి అధికారికంగా క్లారిటీ రావాల్సి ఉంది. కీర్తి చావ్లా ఈ సినిమాలో హీరోయిన్ గా నటించగా సినిమా సక్సెస్ సాధించినా కీర్తి చావ్లా స్టార్ హీరోయిన్ గా ఎదగలేదనే సంగతి తెలిసిందే.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!