సోమవారం జరిగిన నామినేషన్‌ ప్రక్రయిలో అభిజీత్ – మోనాల్‌ – అఖిల్ మధ్య చర్చ జరిగిన విషయం తెలిసిందే. అభిజీత్ – అఖిల్ డిస్కషన్‌లో తన పేరు ప్రస్తావనకు రావడంతో మోనాల్‌ హర్ట్‌ అయ్యింది. నా పరువు తీయకండి అంటూ అరిచి, ఆగ్రహం వ్యక్తం చేసింది. ఆ తర్వాత అభిజీత్ వెళ్లి మోనాల్‌తో మాట్లాడాడు.
‘‘నామినేషన్‌లో నీ టాపిక్‌ అసలు తీసుకు రాలేదు. అఖిలే నీ టాపిక్‌ డిస్కషన్‌లోకి తెచ్చాడు. ఆ టైమ్‌లో సెంటరాఫ్‌ టాపిక్‌ అవ్వడం ఇష్టం లేక నీ పేరు ఎత్తొద్దని అఖిల్‌తో అన్నాను’’ అంటూ సారీ చెప్పాడు అభిజీత్. మరోవైపు ఇదే విషయంలో అఖిల్ కూడా మోనాల్‌తో మాట్లాడాడు. ‘‘నువ్వు అభితో అన్న మాటను అతను అందరితో చెప్పడం నచ్చలేదు. ఈ విషయం ఇక ఎప్పుడూ ఎక్కడా అనకూడదని నేనలా టాపిక్‌ ఎత్తాను’’ అని అఖిల్ వివరించాడు.
‘‘నామినేషన్‌ టైమ్‌లో నీ కోపం చూపించడానికి అలా గట్టిగా అరవకుండా ఉండాల్సింది. అయినా నాకు ఏ టాపిక్‌ దొరక్క నీ టాపిక్‌ తీసుకురాలేదు. నువ్వు నాకు ఇచ్చిన రైట్‌తోనే ఆ టాపిక్‌ రైజ్‌ చేశాను’’ అని చెప్పాడు అఖిల్. ఆ తర్వాత మోనాల్‌తో మాట్లాడటానికి అఖిల్ ఇంట్రెస్ట్‌ చూపించలేదు. కాసేపటికి మోనాల్‌తో అభిజీత్ మాట్లాడుతూ కనిపించాడు. సరదాగా ఓ అగ్రిమెంట్‌ కూడా రాసుకుని సంతకాలు చేసుకున్నారు. ఇకపై మోనాల్‌ టాపిక్‌ ఎక్కడా తీసుకురాను అనేది ఆ అగ్రిమెంట్‌ సారాంశం. చూద్దాం ఏమవుతుందో?
Most Recommended Video
కాబోయే భర్తతో కాజల్… వైరల్ అవుతున్న రేర్ ఫోటోస్!
‘సర్జరీ’ చేయించుకున్న హీరోయిన్లు వీళ్ళే!
‘బిగ్‌బాస్‌’ స్వాతి దీక్షిత్ గురించి మనకు తెలియని నిజాలు..!
