Acharya Release Date: మెగాస్టార్ కు మరో డేట్ దొరకడం కష్టమే?

మెగాస్టార్ చిరంజీవి, మెగా పవర్ స్టార్ రామ్ చరణ్ ఫుల్ లెంగ్త్ రోల్స్ లో నటిస్తున్న ఆచార్య సినిమా రిలీజ్ డేట్ కు సంబంధించిన ప్రకటన కోసం మెగా ఫ్యాన్స్ ఆసక్తిగా ఎదురుచూస్తున్నారు. ఆగష్టు 22వ తేదీన ఆచార్య రిలీజ్ డేట్ కు సంబంధించిన ప్రకటన వస్తుందని మెగా ఫ్యాన్స్ భావించగా ఆ విధంగా జరగలేదు. అయితే తెలుస్తున్న సమాచారం ప్రకారం దీపావళి పండుగ కానుకగా ఈ సినిమా రిలీజ్ కానుంది.

నవంబర్ నెల 4వ తేదీన సినిమాను రిలీజ్ చేయాలని మేకర్స్ భావిస్తున్నారని ఇండస్ట్రీ వర్గాల్లో వినిపిస్తోంది. రెండు పాటలు మినహా ఆచార్య షూటింగ్ పూర్తి కాగా త్వరలో ఆ పాటల షూటింగ్ పూర్తి కానుందని తెలుస్తోంది. ఈ సినిమాలో కాజల్, పూజా హెగ్డే హీరోయిన్ పాత్రల్లో నటిస్తున్నారు. భారీ బడ్జెట్ తో తెరకెక్కిన ఈ సినిమా ఖచ్చితంగా బ్లాక్ బస్టర్ హిట్ అవుతుందని మెగా ఫ్యాన్స్ నమ్మకంతో ఉన్నారు. మణిశర్మ ఈ సినిమాకు సంగీతం అందిస్తుండగా ఈ సినిమా నుంచి రిలీజైన లాహే లాహే పాట ప్రేక్షకులను ఎంతగానో ఆకట్టుకుంది.

త్వరలో ఈ సినిమా నుంచి మరో పాట రిలీజ్ కానుందని తెలుస్తోంది. వరుస విజయాలతో జోరుమీదున్న కొరటాల శివ ఈ సినిమాకు దర్శకత్వం వహిస్తున్నారు. ఆచార్య సినిమాకు రికార్డు స్థాయిలో బిజినెస్ జరుగుతుండటం గమనార్హం. ఆచార్య మూవీ 150 కోట్ల రూపాయలకు పైగా కలెక్షన్లు సాధిస్తుందని ఫ్యాన్స్ భావిస్తున్నారు.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!