అమెజాన్‌ ప్రైమ్‌లో స్ట్రీమింగ్ అవుతున్న యాక్షన్ పీరియడ్ డ్రామా ‘పులి-19వ శతాబ్దం’

ఈ మధ్యే థియేటర్లో రిలీజ్ ఐన భారీ బడ్జెట్ సినిమా ‘పులి-19వ శతాబ్దం’ శనివారం రాత్రి నుండి అమెజాన్ ప్రైమ్‌లో తెలుగు ప్రేక్షకులకు అందుబాటులోకి వచ్చింది. ఈ సినిమాకు విజువల్స్, యాక్షన్ సీక్వెన్స్‌ హైలెట్‌గా నిలిచాయి. 2022  లో మలయాళంలో వచ్చిన ‘పథోంపథం నూట్టండు’ యాక్షన్ పీరియడ్ డ్రామా ఇప్పుడు ‘పులి-19వ శతాబ్దం’ పేరుతో తెలుగు డబ్ అయింది.

2022లో మలయాళం లో విడుదలైనప్పుడు ఈ సినిమాకు మంచి టాక్ వచ్చింది. విజువల్స్, యాక్షన్ సీక్వెన్స్‌ గురించి విమర్శకులు ప్రత్యేకంగా మాట్లాడుకున్నారు. ఈ సినిమాలో నాటి పరిస్థితులు, అంటరానితనం ఎలా ఉండేదో కూడా చూపించారు. వినయన్ దర్శకుడు. నాని దసరా, ప్రభాస్ ప్రాజెక్ట్ కే, వెంకటేష్ సైంధవ్ సినిమాలతో టాలీవుడ్‌లో హాట్ టాపిక్ అయిన సంతోష్ నారాయణన్ ఈ సినిమాకి సంగీతాన్ని అందించారు.

షాజి కుమార్ సినిమాటోగ్రఫీ, అజయన్ చల్లస్సెరీ వేసిన సెట్స్ బాగుంటాయి. ధన్యా భాలకృష్ణన్ కాస్ట్యూమ్స్, వివేక్ హర్షన్ ఎడిటర్. ఇప్పుడు తెలుగులోనూ ఈ సినిమా  అందుబాటులో ఉంది.