బ్యాక్ గ్రౌండ్ ఉన్నప్పటికీ ఇండస్ట్రీలో టాలెంట్ తో అవకాశాలను అందిపుచ్చుకున్న హీరోలలో జూనియర్ ఎన్టీఆర్ ఒకరు. కొన్నేళ్ల క్రితం వరకు మాస్ సినిమాల్లో ఎక్కువగా నటించిన జూనియర్ ఎన్టీఆర్ ప్రస్తుతం అన్ని వర్గాలను మెప్పించే కథలపై ఎక్కువగా దృష్టి పెట్టారు. ప్రస్తుతం ఎన్టీఆర్ ఆర్ఆర్ఆర్ సినిమాలో నటిస్తుండగా కొరటాల శివ దర్శకత్వంలో ఎన్టీఆర్ హీరోగా తెరకెక్కాల్సిన సినిమా షూటింగ్ త్వరలో మొదలు కానుంది. ప్రముఖ సినీ నటులలో ఒకరైన అజయ్ తాజాగా మాట్లాడుతూ జూనియర్ ఎన్టీఆర్ గురించి ఆసక్తికర వ్యాఖ్యలు చేశారు.
తారక్ ఒక జెమ్ అని తారక్ ఎవరినైనా సొంతమనిషి అని భావిస్తే వాళ్ల కోసం ఎంత దూరమైనా వెళతాడని అజయ్ చెప్పుకొచ్చారు. సొంత మనిషి అనుకున్న వాళ్లతో తారక్ జీవితాంతం కలిసి ఉంటారని అజయ్ తెలిపారు. జూనియర్ ఎన్టీఆర్ వ్యక్తిత్వమే ఆ విధంగా ఉంటుందని అజయ్ అన్నారు. జూనియర్ ఎన్టీఆర్, అజయ్ కాంబోలో స్టూడెంట్ నంబర్ 1, సింహాద్రి బృందావనం, బాద్ షా, రామయ్యా వస్తావయ్యా, రభస, జనతా గ్యారేజ్ సినిమాలు వచ్చాయి.
ఎన్టీఆర్ గురించి అజయ్ చేసిన కామెంట్లు నెట్టింట తెగ వైరల్ అవుతున్నాయి. ఈ మధ్య కాలంలో ఎన్టీఆర్ గురించి ప్రముఖ నటులు పాజిటివ్ గా చెబుతూ ఉండటంతో ఎన్టీఆర్ ఫ్యాన్స్ సంతోషిస్తున్నారు. అజయ్ కీలక పాత్రలో నటించిన అర్ధశతాబ్దం తాజాగా ఆహా ఓటీటీలో రిలీజ్ కావడం గమనార్హం. ఆచార్య సినిమాలో అజయ్ కీలక పాత్రలో నటించగా ఆ సినిమా రిలీజ్ కావాల్సి ఉంది. అజయ్ తెలుగుతో పాటు కొన్ని కన్నడ సినిమాల్లో కూడా నటించారు.
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
