సినిమాల అవకాశాలు లేక చివరికి ఆ పనులు కూడా చేసేవాడంట..!

అజయ్ ఘోష్..ఈమధ్య కాలం లో ప్రతీ సినిమాలోనూ ముఖ్యమైన పాత్రలు పోషిస్తున్నాడు ఈయన. దేవకట్టా దర్శకత్వం వహించిన ‘ప్రస్థానం’ అనే చిత్రం ద్వారా ఇండస్ట్రీ కి పరిచయమైనా అజయ్ ఘోష్, ఆ తర్వాత ఎన్నో సూపర్ హిట్ సినిమాలలో కనిపించాడు కానీ, ఆశించిన స్థాయిలో గుర్తింపు రాలేదు. కానీ ఎప్పుడైతే ‘రంగస్థలం’ సినిమా చేసాడో, అప్పటి నుండి ఆయన జాతకమే మారిపోయింది. ఈ సినిమాలో ప్రెసిడెంట్ గారి పక్కన అసిస్టెంట్ గా ఉండే పాత్రని పోషించిన అజయ్ ఘోష్ పేరు టాలీవుడ్ మొత్తం మారుమోగిపోయింది.

అన్ని సంవత్సరాలు ఇండస్ట్రీ లో ఉంటూ సరైన గుర్తింపు లేక, చిన్న పాత్రలు పోషిస్తూ, వాటి ద్వారా వచ్చే డబ్బులతో ఇల్లు కూడా గడవని పరిస్థితి నుండి ఒక్కసారిగా టాలీవుడ్ మోస్ట్ వాంటెడ్ క్యారక్టర్ ఆర్టిస్ట్స్ లో ఒకడిగా మార్చేసింది. ఇప్పుడు ప్రతీ శుక్రవారం విడుదల అయ్యే తెలుగు సినిమాల్లో అజయ్ ఘోష్ లేని సినిమా అంటూ లేదనడం లో ఎలాంటి అతిశయోక్తి లేదు. అయితే సినిమాల్లోకి రాకముందు ఈయన స్వస్థలం ఒంగోలు లో కూలి పనులు చేసుకుంటూ ఉండేవాడట.

సినిమాల మీద పిచ్చి ఇష్టం తో అవకాశాల కోసం స్టూడియోల చుట్టూ తిరిగేవాడట. పాపం తనతో తెచ్చుకున్న డబ్బులు మొత్తం అయిపోవడంతో ఆకలితో పస్తులు ఉన్న రోజులు ఎన్నో ఉన్నాయట. అంతే కాదు సినిమాల్లో అవకాశాలు తగ్గినప్పుడు కూలిపనులు కూడా చేసేవాడట. ఇదంతా చెప్పుకొని ఒక ఇంటర్వ్యూ లో అజయ్ ఘోష్ చాలా ఎమోషనల్ అవుతాడు. పుష్ప , రంగస్థలం వంటి సినిమాలతో పాన్ ఇండియా రేంజ్ కి ఎదిగిన అజయ్ ఘోష్ లో తాను ఒక సెలబ్రిటీని అనే గర్వం ఇసుమంత కూడా లేదట.

ఇప్పటికీ ఒంగోలు రోడ్ల మీద చాలా సాధారణ మనిషి లాగా తిరుగుతూ ఉంటాడు (Actor) అజయ్ ఘోష్. ప్రీ రిలీజ్ ఈవెంట్స్, అలాగే సక్సెస్ ఈవెంట్స్ లో కూడా ఆయన భుజం మీద ఎర్ర తుండు వేసుకొని వస్తుంటాడు. ఎంత పైకి ఎదిగినా చాలా మామూలు జీవితం గడిపే అజయ్ ఘోష్ లాంటి వాళ్ళు చాలా అరుదుగా ఉంటారని సోషల్ మీడియా లో నెటిజెన్స్ ఆయనపై ప్రశంసల వర్షం కురిపిస్తున్నారు.

https://www.youtube.com/watch?v=d_qU7Fk3-L0

మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?

మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!