పవర్ పెంచుతున్న పవన్ కళ్యాణ్!

పవర్ స్టార్ పవన్ కళ్యాణ్ ప్రస్తుతం ఎస్‌జే సూర్య దర్శకత్వంలో తెరకెక్కుతున్న చిత్రంలో నటిస్తుండగా.. ఈ చిత్రం కోసం పవన్ ప్రస్తుతం బరువు పెరిగాడని అంటున్నారు. రాయలసీమ ఫ్యాక్షన్ బ్యాక్ డ్రాప్ లవ్ స్టోరీ గా తెరకెక్కుతున్న ఈ చిత్రంలో పవన్ ఓ ఫ్యాక్షన్ లీడర్ గా కనిపించనున్నాడు. ఈ పాత్రలో సరికొత్త లుక్ కోసం పవన్ బరువు పెరుగుతున్నాడట.

తాజాగా పవన్ సింగపూర్ పర్యటనను ముగించుకొని హైదరాబాద్ వచ్చినప్పుడు ఆయన్ను చూసిన ఆయన బరువు పెరిగారని చెప్పుకుంటున్నారు. శరత్ మరార్ నిర్మిస్తున్న ఈ చిత్రంలో పవన్ సరసన శృతి హాసన్ జంటగా నటించనుంది. జూలై నుంచి ఈ చిత్రం పోలాచి లో చిత్రీకరణ జరుపుకోనుంది. అనూప్ రూబెన్స్ ఈ చిత్రానికి స్వరాలు అందించనున్నాడు