ఆమె స్టార్ హీరోయిన్‌.. ఆమె డేట్స్‌ కోసం ఎంతోమంది నిర్మాతలు వేచి చూస్తారు. ఆ కాంబినేషన్‌ కుదిరితే చాలని మొన్నీమధ్య వరకు టాలీవుడ్‌లో స్టార్ హీరోలు వెయిట్‌ కూడా చేశారు. ఎంత టాలెంట్‌ లేకపోతే అంత రెస్పాన్స్‌ ఉంటుంది చెప్పండి. అలాంటి హీరోయిన్‌ ఓ పాటలో లిప్‌ సింక్‌ విషయంలో ఇబ్బంది పడింది అంటే నమ్ముతారా? అంతేకాదు ఆ ఇబ్బందిని అధిగమించడానికి ఓ స్టార్ హీరోయిన్‌ సాయం అడిగింది అంటే బిలీవ్‌ చేస్తారా? చేయాల్సిందే ఎందుకంటే ఇది జరిగింది. ఆ విషయం ఆ హీరోయినే చెప్పింది కాబట్టి.
‘రాకీ ఔర్‌ రాణీ కీ ప్రేమ్‌ కహానీ’ సినిమాలో రణ్‌వీర్‌ సింగ్‌కు జోడీగా ఆయన బెస్ట్‌ ఫ్రెండ్‌ ఆలియా భట్‌ నటించి మెప్పించింది. సినిమాకు తొలుత డివైడ్‌ టాక్‌ వచ్చినా.. ఆ తర్వాత సినీ జనాలు బాగానే ఆదరించారు. ఈ సినిమాలో బెంగాలీ రాణీగా ఆలియా అదరగొట్టింది. పాటల్లో అయితే ఇంకా సూపర్‌. అయితే ఈ ‘సూపర్‌’ కాంప్లిమెంట్‌ వెనుక షారుఖ్‌ ఖాన్‌ హస్తం కూడా ఉంది. ఈ విషయాన్ని ఆలియా భట్‌ ఇటీవల చెప్పుకొచ్చింది.
‘రాకీ ఔర్‌ రాణీ కీ ప్రేమ్‌ కహానీ’ సినిమా మంచి విజయాన్ని అందుకున్న సందర్భంగా ఇటీవల టీమ్‌ సక్సెస్‌ మీట్‌ పెట్టింది. ఈ సందర్భంగా ఆలియా మాట్లాడుతూ ఓ పాట కోసం నేను షారుఖ్‌ ఖాన్‌ ఇంటికి వెళ్లి సలహాలు తీసుకున్నాను అని చెప్పింది. దీంతో అందరూ షాక్ అయ్యారు. హీరోయిన్‌ అయ్యి ఇన్నేళ్ల తర్వాత మళ్లీ సలహాలేంటి అనుకున్నారు. ఆ సినిమాలోని ‘ఇష్క్‌వాలా లవ్‌’ అనే పాట కోసం లిప్‌ సింక్‌ చెప్పడానికి ఆలియా (Actress) భయపడిందట. నేను బాగా చేస్తానో, లేదో అనే డౌట్‌ వచ్చిందట.
దీంతో ఈ విషయంలో షారుఖ్‌ నీకు హెల్ప్‌ చేస్తాడు. ఓసారి ఫోన్‌ చేసి మాట్లాడు దర్శకుడు కరణ్‌ జోహార్‌ చెప్పారట. దీంతో షారుఖ్‌కి కాల్‌ చేస్తే… ఇంటికి రమ్మన్నారట. అక్కడ ఆయన కూతురు సుహానతో కలసి షారుఖ్‌ దగ్గర ఆలియా లింప్‌ సింక్‌ నేర్చుకుందట. దాదాపు మూడు గంటల పాటు ఆ పాటకు లిప్‌ సింక్‌ చేయడం ప్రాక్టీస్‌ చేశారట. ‘షారుఖ్‌ది చాలా పెద్ద మనసు. నాకు సహాయం చేయటానికి ఎప్పుడూ సిద్ధంగా ఉంటారు. ఆయన నాకు చేసిన సాయాన్ని ఎప్పటికీ మర్చిపోను అని ఆలియా అంది.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
