తమిళం, మలయాళంపై కూడా కన్నేసి ‘ఆహా’ టీమ్‌

తెలుగు ఓటీటీగా మొదలై… దూసుకుపోతున్న ‘ఆహా’ తన క్రేజ్‌ పెంచుకోవడానికి భారీ ప్లాన్సే వేస్తోంది. సెలబ్రిటీ హోస్ట్‌గా టాక్‌ షోలు, స్టార్‌ హీరోయిన్లతో వెబ్‌ సిరీస్‌లు చేస్తోంది. అందులో భాగంగా ఇటీవల సమంత ‘సామ్‌ జామ్‌’ మొదలైంది. తమన్నా వెబ్‌సిరీస్‌ అనౌన్స్‌ చేశారు. శ్రుతి హాసన్‌ కూడా ఓ వెబ్‌సిరీస్‌ చేసిందని వార్తలొచ్చాయి. ఇప్పుడు మరో హీరోయిన్‌ కూడా ఈ వరుసలోకి వచ్చేసింది. ఆమెనే అమలా పాల్‌. ‘యూ టర్న్‌’తో నిరూపించుకున్న పవన్‌ ఉడయార్‌ దర్శకత్వంలో ఆహా ఓ వెబ్‌ సిరీస్‌ ప్లాన్‌ చేస్తోందట. అందులో అమలా పాల్‌ మెయిన్‌ లీడ్ అంట. త్వరలోనే చిత్రీకరణ మొదలవుతుందంటున్నారు.

పవన్‌ ఉడయార్‌ – అమలా పాల్‌ కాంబినేషన్‌లో ఓ ప్రాజెక్టు సిద్ధమవుతోందని చాలా రోజుల క్రితం వార్తలొచ్చాయి. ఇప్పుడది ప్రీ ప్రొడక్షన్‌ పనులు పూర్తి చేసుకుందట. ఎనిమిది నుంచి పది ఎపిసోడ్లు ఉండేలా దర్శకుడు ఈ సిరీస్‌ ప్లాన్‌ చేశాడట. ఇందులో అమలా పాల్‌ ఇన్వెస్టిగేషన్ ఆఫీసర్‌గా కనిపించబోతోందట. ఈ సిరీస్‌ ప్లాట్‌ తెలుగు ప్రేక్షకులకు కొత్త ఫీల్‌ను కలిగిస్తుందని ఆహా టీమ్‌ అంటోంది. మిస్టీరియస్‌ కేస్‌కు సంబంధించి లేడీ ఇన్వెస్టిగేషన్‌ ఆఫీసర్‌ కథే ఈ వెబ్‌ సిరీస్‌. ఇందులో మిగిలిన కీలక పాత్రల్లో బెస్ట్‌ సౌత్‌ యాక్టర్స్‌ను తీసుకుంటున్నారట. ప్రస్తుతం టీమ్‌ అదే పనిలో ఉందట.

ఇదంతా ఆహా ఆలోచనకు ఒక కోణం మాత్రమే. ఈ సిరీస్‌ వెనుక రెండో కారణం కూడా ఉందట. అమలా పాల్‌కు తెలుగులో కన్నా తమిళ, మలయాళ పరిశ్రమల్లో ఎక్కువ పేరుందని కొత్తగా చెప్పక్కర్లేదు. ఈ సిరీస్‌తో ఆహా ఓటీటీని సౌత్‌ మొత్తం వ్యాపించేలా చేయడం ఆహా కొత్త ఆలోచన అంటున్నారు. ఒకవేళ ఇదే నిజమైతే ఇలాంటి సిరీస్‌లు మరికొన్ని వస్తాయి.

Most Recommended Video

2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!