సుధీర్ బాబు హీరోగా వచ్చిన ‘నన్ను దోచుకుందువటే’ చిత్రంతో హీరోయిన్ గా ఎంట్రీ ఇచ్చింది నభా నటేష్. ఈ చిత్రానికి మంచి టాక్ వచ్చినప్పటికీ… కమర్షియల్ గా మాత్రం సక్సెస్ కాలేదు. అయినప్పటికీ హీరోయిన్ నభా నటేష్ నటనకి మాత్రం మంచి మార్కులు పడ్డాయి. అయితే మొదటి చిత్రం కమర్షియల్ సక్సెస్ కాకపోవడంతో ఈమెకు ఆఫర్లు పెద్ద ఎత్తున రాలేదు. కానీ ఈమె టాలెంట్ ను గుర్తించి ‘ఇస్మార్ట్ శంకర్’, ‘డిస్కో రాజా’ వంటి చిత్రాల్లో ఛాన్సులు వెతుక్కుంటూ వచ్చాయి. ‘డిస్కో రాజా’ చిత్రంలో ఈమె లీడ్ హీరోయిన్ గా నటిస్తుండగా పాయల్ రాజ్ పుత్ సెకండ్ హీరోయిన్ గా నటిస్తుంది. ఇక ఈమె రెండో చిత్రం ‘ఇస్మార్ట్ శంకర్’ ఇటీవలే విడుదలయ్యి బ్లాక్ బస్టర్ హిట్టయ్యింది.
‘ఇస్మార్ట్ శంకర్’ లో ఆమె కనిపించేది తక్కువ సమయమే.. అయినప్పటికీ కథ మొత్తం ఈమె పాత్ర చుట్టూనే తిరుగుతుంది. మరో హీరోయిన్ నిధి అగర్వాల్ ఉన్నప్పటికీ… నభా నటనకే మంచి మార్కులు పడ్డాయి. దీంతో ఈమెకు ప్రస్తుతం వరుస ఆఫర్లు క్యూలు కడుతున్నాయి. ఈ క్రమంలో ఇప్పటి వరకూ 30 లక్షలు మాత్రమే పారితోషికం తీసుకుంటూ వచ్చిన నభా… ఇప్పుడు ఏకంగా 70 లక్షలు డిమాండ్ చేస్తుందట. ‘టాలెంట్ ప్లస్ టైమింగ్’ కలిసొస్తే ఇలానే ఉంటుంది మరి.
Home