2023 లో సినీ పరిశ్రమకు చెందిన సెలబ్రిటీలు చాలా మంది పెళ్లి పీటలు ఎక్కారు.శర్వానంద్, వరుణ్ తేజ్ వంటి యంగ్ హీరోలతో పాటు.. బుల్లితెర సెలబ్రిటీలు అయిన మానస్ కూడా పెళ్లి చేసుకుని ఓ ఇంటి వాడయ్యాడు. అలాగే ‘కృష్ణ ముకుంద మురారి’ సీరియల్ తో పాపులర్ అయిన ప్రేరణ,’గుడ్ నైట్’ సినిమాతో యూత్ కి బాగా దగ్గరైన మీతా రఘునాథ్, బాలీవుడ్ బ్యూటీ స్వర భాస్కర్ కూడా పెళ్లి చేసుకున్న సంగతి తెలిసిందే.
తాజాగా మరో నటి (Pooja Gandhi) కూడా పెళ్లికి రెడీ అయ్యింది. ఆమె మరెవరో కాదు ‘దండుపాళ్యం’ బ్యూటీ పూజా గాంధీ. ఈమె చాలా మందికి సుపరిచితమే. ‘ముక్కంటి’ అనే తెలుగు సినిమాలో నటించింది. అలాగే గత ఏడాది వచ్చిన ‘తగ్గేదే లే’ మూవీలో కూడా కీలక పాత్ర పోషించింది. ఈమె వయసు 40 ఏళ్ళు. అయినా ఇప్పటివరకు పెళ్లి చేసుకోలేదు. అయితే అందుతున్న సమాచారం ప్రకారం..త్వరలోనే ఈమె పెళ్లి పీటలెక్కనుంది.
తన చిన్ననాటి స్నేహితుడు, బిజినెస్ పార్ట్నర్ అయిన విజయ్ అనే వ్యక్తిని ఈమె పెళ్లి చేసుకోబోతుంది. ఇక పూజా గాంధీ బెంగాలీ కుటుంబానికి చెందిన వ్యక్తి. ఈమె అసలు పేరు సంజనా గాంధీ, అయినప్పటికీ.. సినిమాల్లోకి వచ్చాక పూజా గాంధీగా పేరు మార్చుకుంది. ‘దండుపాళ్యం’ సీక్వెల్స్ లో ఈమె చాలా క్రూరంగా నటించింది. మరోపక్క బెడ్ రూమ్ సన్నివేశాల్లో కూడా నటించి హాట్ టాపిక్ అయ్యింది. అలాగే ఇంకా చాలా గ్లామర్ సినిమాల్లో నటించింది.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
