Poonam Kaur: చర్చకు దారి తీసిన పూనమ్‌ కౌర్‌ వ్యాఖ్యలు.. దీనికి సమాధానం ఎవరు చెబుతారో?

టాలీవుడ్‌లో ఉన్న సమస్యల గురించి, ప్రభుత్వ సహకారం గురించి ఇటీవల సినిమా ఇండస్ట్రీ పెద్దలు అందరూ కలసి తెలంగాణ ముఖ్యమంత్రి రేవంత్‌ రెడ్డిని కలిశారు. సుమారు 50 మంది ఈ భేటీకి హాజరయ్యారు. అందరూ ఆ మీటింగ్‌లో ఏమైంది, ఏం చెప్పి ఉంటారు, సీఎం ఏం భరోసా ఇచ్చి ఉంటారు, పరిస్థితులు కుదుటపడతాయా లేదా అని ఏవేవో ఆలోచనలు చేస్తున్నారు. అయితే నటి పూనమ్‌ కౌర్‌ మాత్రం వేరే పాయింట్ లేవనెత్తారు. నిజానికి ఆమె పాయింట్‌ కూడా కరెక్టే అని చెప్పాలి.

Poonam Kaur

సీఎంతో టాలీవుడ్‌ మీటింగ్‌ గురించి గురువారం రాత్రి అందరూ వివిధ వేదికల్లో చర్చలు చేపడుతున్న సమయంలో పూనమ్‌ కౌర్‌ ఓ ట్వీట్‌ చేసింది. మీటింగ్‌కు వచ్చిన టాలీవుడ్ ప్రతినిధుల్లో ఒక్క మహిళా కూడా లేరు అనే విషయాన్ని ఎత్తి చూపింది. ఈ విషయంలో ఇండస్ట్రీ పెద్దల్ని, సీఎంని తన ట్వీట్లతో నిలదీసింది. సీఎంతో జరిగిన ఈ భేటీలో ఒక్క మహిళా ప్రతినిధిని కూడా పెట్టాలని అనుకోలేదా?.అంటే మహిళలకు ఇండస్ట్రీలో సమస్యలే లేవా? అని ఆమె ప్రశ్నించింది.

ఓ హీరోకి సమస్య వస్తే, పరిశ్రమకు సమస్య వస్తే ఇలా అందరూ ఏకమవుతారు.. కానీ మహిళకు సమస్య వస్తే ఎవరూ ముందుకు రారు అని ట్వీట్‌లో రాసుకొచ్చింది పూనమ్‌ కౌర్‌ (Poonam Kaur). అంటే పరిశ్రమలో మహిళలకు సమస్యలే లేవా అని కూడా ప్రశ్నించింది పూనమ్‌. దీంతో ఆమె ట్వీట్‌కి భారీ స్పందన వస్తోంది. కొంతమంది ఇది అప్రస్తుతం అని అంటుంటే.. కొందరు మాత్రం సరైన ప్రశ్న అడిగావు అని మెచ్చుకుంటున్నారు.

మరి పూనమ్ కౌర్‌ కామెంట్లు, కౌంటర్లను ఇండస్ట్రీ పట్టించుకుంటుందా, ఎవరైనా ఈ మాటలకు రిప్లై ఇస్తారా అనేది చూడాలి. అయితే అసలు ఈ మీటింగ్‌ హ్యాండిల్‌ చేసినవాళ్లు నాయికలకు, మహిళాల నిర్మాతలకు సమాచారం ఇచ్చారా? ఇస్తే వాళ్లు రాలేదా? అనేది తెలియాల్సి ఉంది. గతంలో అయితే ఇలాంటి మీటింగ్‌లకు నిర్మాత సుప్రియ వచ్చేవారు.

No women was considered important enough to be taken for a meeting with CM , women have absolutely no issues , industry stands up when a hero has a issue or trade matters , no women has issue – none can have one .

— पूनम कौर ❤️ poonam kaur (@poonamkaurlal) December 26, 2024