Actress Ramya Sri, Pawan Kalyan: పవన్ పై వివాదాస్పద వ్యాఖ్యలు చేసిన రమ్యశ్రీ!

సినీ నటిగా టాలీవుడ్ ప్రేక్షకులకు రమ్యశ్రీ సుపరిచితమనే సంగతి తెలిసిందే. ఒకవైపు సినిమాలతో బిజీగా ఉంటూనే రమ్యశ్రీ 2019 ఎన్నికల సమయంలో వైసీపీ తరపున ప్రచారం చేశారు. తాజాగా ఒక ఇంటర్వ్యూలో పాల్గొన్న రమ్యశ్రీ మాట్లాడుతూ సీఎం జగన్ ఎవరికి ఏవి అవసరమో అవి మాత్రమే ఇస్తున్నారని తెలిపారు. 2024లో కూడా వైసీపీ అధికారంలోకి వస్తుందని రమ్యశ్రీ వెల్లడించారు. మోదీ పరిపాలన బాగుందని రమ్యశ్రీ తెలిపారు. మోదీ అధికారంలోకి వచ్చిన తరువాత మన బ్రతుకులు ఏంటో చెప్పారని రమ్యశ్రీ పేర్కొన్నారు.

ఎన్నో సమస్యలను మోదీ పరిష్కరించారని రమ్యశ్రీ అన్నారు. పవన్ కళ్యాణ్ నటుడిగా తనకు చాలా ఇష్టమని రమ్యశ్రీ చెప్పుకొచ్చారు. పవన్ కళ్యాణ్ నటుడిగా బాగా నటిస్తారు కాబట్టే ఆయనను ప్రేక్షకులు ఆదరిస్తున్నారని రమ్యశ్రీ తెలిపారు. అయితే సినిమాల విషయంలో సక్సెస్ సాధించిన పవన్ రాజకీయాల విషయంలో విఫలమయ్యారని రమ్యశ్రీ పేర్కొన్నారు. జనసేన నుంచి తన బ్రదర్ పోటీ చేసి 2 కోట్ల రూపాయలు పోగొట్టుకున్నారని రమ్యశ్రీ అన్నారు.

ఈరోజు టీడీపీ జనసేన వల్లే ఓడిపోయినట్టు చెబుతుందని 2019 ఎన్నికల్లో జనసేన ఎన్నికల ఫలితాల గురించి మాట్లాడాల్సిన అవసరం లేదని రమ్యశ్రీ వెల్లడించారు. పవన్ కళ్యాణ్ మధ్యమధ్యలో డ్రాప్ అవుతున్నారని ప్రస్తుతం పవన్ బీజేపీ మద్దతు తీసుకున్నారని వచ్చే ఎన్నికల్లో కూడా పవన్ ప్రభావం చూపించలేరని రమ్యశ్రీ పేర్కొన్నారు. ఛాన్స్ ఉంటే వైసీపీ తరపున పోటీ చేస్తానని పవన్ కళ్యాణ్ ప్లానింగ్ ఆయనకు ఉందని 2024 వరకు పవన్ తో కలిసి ఎంతమంది ఉంటారో చూడాలని రమ్యశ్రీ తెలిపారు.

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!