తల్లిదండ్రుల నుంచి ఇంటిపేరు మాత్రమే కాకుండా… ఏదో ఒక రంగంలో తమ సత్తా చాటే టాలెంట్‌, ప్రోత్సాహం కూడా కొంతమంది పొందుతుంటారు. ఇష్టమైన రంగంలో ప్రవేశించి.. ఆకట్టుకుంటుంటారు. తాజాగా అలాంటి ప్రతిభను చూపించింది అన్షు మాలిక. ఇలా చెబితే పెద్దగా తెలియకపోవచ్చు కానీ రోజా – సెల్వమణి కూతురు అంటే తెలిసిపోతుంది. అవును రోజా కూతురు అన్షునే ఆ ఘనత సాధించింది. ఆమె రాసిన ఓ పుస్తకం ఇటీవల ప్రచురితమైంది. రచన బాగుందంటూ చాలా మంది నుంచి ప్రశంసలు కూడా వస్తున్నాయట.
రోజా.. నటిగా, రాజకీయ నాయకురాలిగా, టీవీ షోల ప్రయోక్తగా, ఇప్పుడు జడ్జిగా రాణిస్తున్నారు. మరోవైపు సెల్వమణి మంచి దర్శకుడు, అలాగే టెక్నీషియన్‌ కూడా. ఇప్పుడు కూతురు అన్షు మంచి రచయితగా మారబోతోంది. అన్షు ‘షిప్టింగ్ పర్సిప్షన్స్‌’ అనే పుస్తకాన్ని ఇటీవల రాసింది. ఆ పుస్తకం పబ్లిష్‌ అయ్యింది. చిన్న వయసులోనే ఏకంగా పుస్తకం రాసిన అమ్మాయిగా అన్షు పేరుగాంచింది. దీంతో రోజా అభిమానులు, సినీ వర్గాలు అన్షు మెచ్చకుంటున్నారట.
ఆ మధ్య ఓ టీవీ ఈవెంట్‌లో అన్షు కనిపించింది. దీంతో అన్షు తర్వాత స్టెప్‌ సినిమాలే అనుకున్నారంతా. అయితే ఇప్పుడు అన్షు ప్రతిభ చూస్తుంటే రచయితగా కొనసాగుతుందేమో అనిపిస్తోంది. లేకపోతే మల్టీ టాలెంటెడ్‌గా రచయితగాను, నటిగాను రాణిస్తుందేమో చూడాలి. ముందు మనం అనుకున్నట్లు రోజా కూతురు అన్షు అని కాకుండా.. అన్షు తల్లి రోజా అని అనే రోజు వస్తుందేమో. అలాంటి రోజు వస్తే రోజాకి ఆనందమే కదా.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
