ఎవ్వరి సలహాలు అవసరం లేదు.. నచ్చిన సినిమాలే చేస్తాను : శృతీ హాసన్

September 10, 2020 / 10:09 AM ISTByFilmy Focus

Join Us

ఎవ్వరి సలహాలు అవసరం లేదు.. నచ్చిన సినిమాలే చేస్తాను : శృతీ హాసన్

‘అనగనగా ఓ ధీరుడు’ చిత్రంతో తెలుగు ప్రేక్షకులకు పరిచయమైన శృతీ హాసన్ మొదటి చిత్రంతోనే ప్లాప్ రిజల్ట్ ను మూటకట్టుకున్న సంగతి తెలిసిందే. అటు తరువాత ఈమె నటించిన రెండు, మూడు సినిమాలు కూడా ఫ్లాప్ అవ్వడంతో ఈమె పై ఐరన్ లెగ్ అనే ముద్ర కూడా పడింది. అయితే ‘గబ్బర్ సింగ్’ చిత్రం ఈమెకు బ్రేక్ ఇచ్చిందనే చెప్పాలి. అప్పటి నుండీ వరుస సక్సెస్ లతో స్టార్ హీరోయిన్ గా ఎదిగింది ఈ బ్యూటీ. తెలుగు, తమిళ భాషల్లో స్టార్ హీరోలందరి సరసన నటిస్తూ..ఈమె కెరీర్ పీక్స్ లో ఉన్న తరుణంలో విదేశీయుడితో ప్రేమలో పడి కెరీర్ ను నెగ్లెక్ట్ చేసింది.

అటు తరువాత కొన్ని కారణాల వల్ల అతనికి బ్రేకప్ చెప్పేసి.. తిరిగి సినిమాల్లోకి రీ ఎంట్రీ ఇవ్వాలనుకున్న తరుణంలో కరోనా వచ్చి ఈమె ఆశల పై నీళ్లు జల్లిందనే చెప్పాలి.ప్రస్తుతం ఈమె చేతిలో సినిమాలు ఉన్నాయి. ‘క్రాక్’ వంటి క్రేజీ చిత్రాల్లో నటిస్తుంది. హిందీలో కూడా సినిమాలు చేస్తుంది. అయితే బాలీవుడ్లో మాత్రం ఈమె పనైపోయింది అంటూ ట్రోల్స్ మొదలయ్యాయి. దానికి ఈమె ఘాటుగానే స్పందించింది.. ‘నా కెరీర్‌ విషయంలో ఎవ్వరి సలహాలు తీసుకోదలచుకోలేదు.నేను హార్ట్- ఫుల్ గా నడుచుకుంటాను. నా‌ మనసుకు నచ్చిన సినిమాలే చేస్తూ ముందుకు సాగుతాను.

Shruti Haasan,Shruti Haasan New Stills,Shruti Haasan Photoshoot

ముంబయిలో పరిస్థితులు చాలా డిఫరెంట్ గా ఉంటాయి. ఇక్కడ సినిమా చెయ్యకుండా ఏడాది పాటు ఖాళీగా ఉంటే ఇక కెరీర్ ముగిసిపోయిందనుకుంటారు. ఆర్టిస్ట్ లు మనసు పెట్టి పనిచెయ్యడం లేదని కూడా ట్రోల్స్ చేస్తుంటారు..! నేను పలు భాషల్లో సినిమాలు చేస్తున్నాను, అందులో బాలీవుడ్ పరిశ్రమ‌ కూడా ఒకటి..అంతే..! నేను సౌత్ హీరోయిన్ అయినందుకు గర్విస్తున్నాను. నాకు తెలుగు, తమిళ సినీ ఇండస్ట్రీలు రెండు కళ్ళతో సమానం’ అంటూ చాలా అగ్రెసివ్ కామెంట్స్ చేసింది శృతీ హాసన్.