ఒకటి రెండు సినిమాలతోనే స్టార్ హీరోయిన్ రేంజ్ ఇమేజి ని దక్కించుకోవడం అనేది సాధారణమైన విషయం కాదు. కానీ దక్కించుకున్న ఆ ఇమేజి ని కాపాడుకోవడం కూడా కత్తి మీద సాము లాంటిది. డబ్బులు వస్తున్నాయి, ఆఫర్లు వస్తున్నాయి కదా అని ప్రతీ సినిమా ఒప్పుకొని చేస్తూ పోతే మొదటికే మోసం వస్తుంది. ‘ఉప్పెన’ హీరోయిన్ కృతి శెట్టి అందుకు ఉదాహరణ. అందుకే శ్రీలీల ఇప్పుడు సినిమాల ఎంపిక విషయం లో చాలా ఆచి తూచి నిర్ణయాలు తీసుకుంటున్నట్టు సమాచారం.
ప్రస్తుతం టాలీవుడ్ లో కుర్ర హీరోల దగ్గర నుండి స్టార్ హీరోల వరకు ప్రతీ ఒక్కరికి ఈమె డేట్స్ కావాలి. ఆమె డేట్స్ కోసం దర్శక నిర్మాతలు ఒక మినీ యుద్ధమే చేస్తున్నారు. రీసెంట్ గానే భగవంత్ కేసరి చిత్రం తో ప్రేక్షకుల ముందుకు వచ్చి భారీ బ్లాక్ బస్టర్ హిట్ ని అందుకున్న శ్రీలీల. తన తదుపరి చిత్రాల విషయం లో ఒక కీలక నిర్ణయం తీసుకుంది. ఒక్క పెద్ద హీరో సినిమాలో నటించడానికి రీసెంట్ గానే అగ్రిమెంట్ పేపర్స్ మీద సైన్ చేసి అడ్వాన్స్ తీసుకుంది శ్రీలీల.
కానీ డైరెక్టర్ తుది న్యారేషన్ ఇచ్చినప్పుడు ఆమెకి తన పాత్ర కి ప్రాధాన్యం లేదు అని తెలిసిందే. అంతే వెంటనే ఈ సినిమా నేను చెయ్యడం లేదు అంటూ తీసుకున్న అడ్వాన్స్ మొత్తం తిరిగి ఇచ్చేసింది అట. కేవలం ఈ సినిమా మాత్రమే కాదు, రెండు మూడు చిన్న సినిమాల నుండి కూడా ఆమె తప్పుకున్నట్టు వార్తలు వినిపిస్తున్నాయి. ఇలా వరుసగా ఆమె సినిమాల నుండి తప్పుకోవడం తో శ్రీలీల ఇండస్ట్రీ నుండి వెళ్ళిపోతుంది అని అందరూ అనుకున్నారు.
ఇదే విషయాన్నీ ఆమెని అడగగా, అలాంటిదేమి లేదు నా పాత్ర కి ప్రాధాన్యం లేకపోతే ఇక నుండి ఏ సినిమాకి కూడా సంతకం చెయ్యను అని చెప్పుకొచ్చింది. ఈ మాత్రం క్లారిటీ ఉంటే చాలు, కనీసం దశాబ్దం పాటు స్టార్ హీరోయిన్ గా ఒక వెలుగు వెలగొచ్చు అని సోషల్ మీడియా నెటిజెన్స్ కామెంట్స్ చేస్తున్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home