సినిమా వాళ్లకు సెంటిమెంట్లు ఎక్కువ అంటారు. సినిమాకు సంబంధించిన ప్రతి విషయానికి సెంటిమెంట్‌ ఫాలో అవుతుంటారు. అయితే అది ఎవరికీ ఇబ్బంది పెట్టనంతవరకే. ఒకవేళ ఇబ్బంది పెడితే… అది మూఢనమ్మకం అని కూడా అంటుంటారు. ఇలాంటి ఓ మూఢనమ్మకం వల్ల స్టార్ హీరోయిన్‌ విద్యా బాలన్‌ (Vidya Balan) చాలా ఇబ్బంది పడిందట. ఈ విషయాన్ని ఆమెనే చెప్పాలి. ఓ దర్శకుడి మూఢనమ్మకంతో 42 రోజులు ఒకే డ్రెస్‌తో ఉన్నాడట. విద్యా బాలన్‌, ప్రతిక్‌ గాంధీ, ఇలియానా (Ileana D’Cruz) ప్రధాన పాత్రల్లో నటించిన బాలీవుడ్‌ సినిమా ‘దో ఔర్‌ దో ప్యార్‌’.
రొమాంటిక్‌ కామెడీ డ్రామాగా రూపొందిన ఈ సినిమా శుక్రవారం ప్రేక్షకుల ముందుకువచ్చింది. ఈ నేపథ్యంలో ఆమె మీడియాతో మాట్లాడుతూ ఓ దర్శకుడిని ఉద్దేశించి సంచలన వ్యాఖ్యలు చేసింది. ఆ దర్శకుడికి మూఢనమ్మకాలు ఎక్కువని చెప్పిన ఆమె… తన చిత్రానికి మంచి ఆదరణ రావాలని వింతగా ప్రవర్తించారని చెప్పింది. తాను కథానాయికగా నటించిన ఓ సినిమా సెట్లో చోటుచేసుకున్న సంఘటనను ఎప్పటికీ మర్చిపోలేను అని చెప్పిన విద్యా బాలన్‌…
ఆ చిత్ర దర్శకుడికి మూఢవిశ్వాసాల గురించి చెప్పారు. తన చిత్రం విజయం అందుకోవాలనే ఉద్దేశంతో దాదాపు 42 రోజులపాటు ఒకే షార్ట్ ధరించాడని, దాన్ని తొలుత తాను పెద్దగా పట్టించుకోలేదని, ఆ తర్వాత కొన్ని రోజులకు ఆ విషయం తెలిసి షాకయ్యా అని చెప్పింది. కట్‌ చేస్తే.. ఆ సినిమా ఘోర పరాజయం అందుకుంది అని చెపపారామె. అయితే ఆ దర్శకుడు ఎవరు? ఆ సినిమా ఏంటి? అనే వివరాలు మాత్రం చెప్పలేదు.
ఆ దర్శకుడు అన్ని రోజులు ఒకే డ్రెస్‌ వేస్తే ఈమెకు ఇబ్బంది ఏంటి అనుకుంటున్నారా? అలాంటి పరిస్థితి మనకు ఎదురైతే కానీ ఆ ఇబ్బంది ఏంటో చెప్పలేం. అంతేకాదు ఇలాంటి వారిని ఎంతోమందిని చూశానన్నారు. ఒక నిర్మాత కూడా ఇలాగే ప్రవర్తించారని చెప్పింది ఆమె. తానొక దురదృష్టవంతురాలినని అందుకే ప్రాజెక్ట్ నుంచి తప్పిస్తున్నానని ఓ నిర్మాత చెప్పారని విద్య చెప్పింది.
