నెగిటివ్ షేడ్స్ లో అదితి .. ఇదేమి ‘వి’చిత్రం..!

విభిన్న చిత్రాల తెరకెక్కించే ఇంద్రగంటి మోహనకృష్ణ దర్శకత్వంలో నాని – సుధీర్ బాబు ప్రధాన పాత్రధారులుగా ‘వి’ చిత్రం రూపొందిన సంగతి తెలిసిందే. అదితీరావు హైదరీ – నివేద థామస్ హీరోయిన్లుగా నటించిన ఈ చిత్రం మార్చి 25న విడుదల చెయ్యాలని నిర్మాత దిల్ రాజు భావించారు. కానీ కరోనా ఎఫెక్ట్ వల్ల విడుదల వాయిదా పడింది. ఈ చిత్రంలో సుధీర్ బాబు పోలీస్ ఆఫీసర్ గా నటించగా, నాని ఓ సీరియల్ కిల్లర్ గా నెగిటివ్ షేడ్స్ ఉన్న పాత్రలో కనిపించనున్నాడు.

విడుదల చేసిన టీజర్, పాటలకు మంచి స్పందన లభించింది కాబట్టి.. ఈ చిత్రం పై అంచనాలు పెరిగాయి. అయితే సడన్ గా సినిమా వాయిదా పడటంతో అందరూ నిరాశ చెందారు. ఇదిలా ఉంటే… ఈ చిత్రంలో అదితీరావు పాత్ర గురించి ఓ ఆసక్తి కరమైన అప్డేట్ ఒకటి బయటకి వచ్చింది. ఈ చిత్రంలో ఆమె పాత్ర కూడా నెగెటివ్ షేడ్స్ తో కూడినదిగా వుంటుందనే టాక్ వినిపిస్తుంది. ఆమె పాత్ర ఈ చిత్రంలో చాలా డిఫరెంట్ గా డిజైన్ చేసాడట దర్శకుడు ఇంద్రగంటి.

నాని పాత్ర తర్వాత అదితి పాత్ర కూడా సినిమాకి హైలైట్ గా నిలుస్తుంది అని తెలుస్తుంది. ఈ చిత్రాన్ని ఏకంగా పవన్ కళ్యాణ్, మహేష్ బాబు వంటి స్టార్ హీరోల కోసం ఇంద్రగంటి డిజైన్ చేసాడు అని సుధీర్ బాబు ఇటీవల ఓ ఇంటర్వ్యూలో చెప్పిన సంగతి తెలిసిందే. దాంతో ఈ చిత్రం పై ఆసక్తి మరింతగా పెరిగింది. ఇక ‘అష్టా చమ్మా’ ‘జెంటిల్మేన్’ వంటి సూపర్ హిట్ ల తర్వాత నాని, ఇంద్రగంటి కాంబినేషన్ లో రాబోతున్న చిత్రం కాబట్టి కూడా అంచనాలు పీక్స్ లో ఉన్నాయి.

Most Recommended Video

టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!