పవన్ కళ్యాణ్ కొడుకు అకీరా నందన్ కు 18 ఏళ్ల వయసు వచ్చింది. కాబట్టి అతన్ని హీరోగా లాంచ్ చేయాలని అభిమానులు పవన్ కళ్యాణ్ ను కోరుతూనే ఉన్నారు. అఖీరా భారీ హైట్ ఉంటాడు. అతనికి హీరో లుక్ ఉంటుంది. జిమ్ లో అతను వర్కౌట్స్ చేస్తున్న ఫోటోలను,వీడియోలను కూడా అప్పుడప్పుడు సోషల్ మీడియాలో వైరల్ అవుతుంటాయి. చిరు కూడా అకీరాని హీరోని చేయాలని భావిస్తున్నారు. కాకపోతే అతని తల్లి రేణు దేశాయ్ కు అది ఇష్టం లేనట్టు ఉంది.
ఇక పవన్ కళ్యాణ్ అయితే అఖీరా పై ఒత్తిడి చేయకుండా తనకు నచ్చింది చేయమని చెబుతున్నారు. ఈ క్రమంలో అకీరా హీరోగా ఎంట్రీ ఇస్తారా? లేదా అనే విషయం పై అతనికి అత్యంత సన్నిహితుడైన అడివి శేష్ స్పందించాడు. భవిష్యత్తులో మీ స్నేహితుడు అకీరాతో మల్టీస్టారర్ సినిమా చేసే అవకాశం ఉందా అనే ప్రశ్న అడివి శేష్ కు ఎదురైంది. దీనికి అడివి శేష్ స్పందిస్తూ… ‘నాకు పవన్ కళ్యాణ్‌గారంటే ఓ గౌర‌వం ఉంది. ఆయ‌న హీరోగా చేసిన ‘తొలి ప్రేమ’ చిత్రం నాకెంతో ఇష్టం. అకీరా నంద‌న్‌తో మల్టీస్టారర్ సినిమా చేసే ఆలోచ‌న లేదు.
త‌ను నాకు చాలా మంచి ఫ్రెండ్. ప్ర‌తీ వారం మేము క‌లుస్తుంటాం.కానీ తనకు ఇప్పుడు సినిమాల‌పై అంత ఆస‌క్తి లేదు. మ్యూజిక్ నేర్చుకుంటున్నాడు. వాయిద్య పరికరాల‌తో సంగీతం చేస్తుంటాడు. ఒక్కోసారి త‌ను సొంతంగా కంపోజ్ చేసిన ట్యూన్స్ కూడా నాకు పంపుతుంటాడు. వాటిని వింటూ నేను నిద్ర‌పోతాను’’ అంటూ చెప్పుకొచ్చాడు. అడివి శేష్ కామెంట్స్ ఓ విధంగా పవన్ కళ్యాణ్ అభిమానులకు నిరాశ కలిగించే విధంగా ఉన్నాయని చెప్పాలి.
Most Recommended Video
విక్రమ్ సినిమా రివ్యూ & రేటింగ్!/a>
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
