Nayanthara: నయనతార కొత్త సినిమా… ఇన్నేళ్ల తర్వాత కొత్తగా వస్తున్నారు!

సౌత్‌ సినిమా పరిశ్రమలో సూపర్‌ స్టార్‌ హీరోయిన్‌ అంటే… నయనతార (Nayanthara) పేరు ఒక్కటే వినిపిస్తుంది. ఎందుకంటే ఇప్పుడు పరిశ్రమలో అలాంటి ధైర్యవంతమైన సినిమాలు చేస్తున్న ఏకైక నాయిక ఆమెనే. ఇటీవల కొన్ని కమర్షియల్‌ సినిమాలూ చేస్తున్న ఆమె మళ్లీ హీరోయిన్‌ ఓరియెంటెడ్‌ సినిమాకు సిద్ధమవుతున్నారు. అది కూడా దశాబ్దానికిపైగా సినిమాలకు దూరంగా ఉన్న ఓ దర్శకుడితో చేస్తున్నారు అని అంటున్నారు. ఈ విషయంలో త్వరలో క్లారిటీ వచ్చేస్తుందని సమాచారం. ఇటీవల పాన్‌ ఇండియా సినిమా షా రుఖ్‌ ఖాన్‌ ‘జవాన్‌’ (Jawan) సినిమాతో ప్రేక్షకుల్ని అలరించింది నయనతార.

ఆ సినిమాతోనే బాలీవుడ్‌ ఎంట్రీ ఇచ్చిన ఆమె… అక్కడి ప్రేక్షకుల్ని కూడా తనవైపు తిప్పేసుకుంది. ఆ తర్వాత వరుస అవకాశాలతో జోరు చూపిస్తున్న నయన్‌… ఇప్పుడు నాయికా ప్రాధాన్యమైన సినిమాలో నటించడానికి ఓకే చేసిందట. తమిళంలో ‘సుబ్రమణ్యపురం’ అనే సినిమా తీసిన శశి కుమార్‌ (SasiKumar) గుర్తున్నారా? ఆయనే ఈ సినిమాకు డైరక్టర్‌ అట. లేడీ ఓరియెంటెడ్‌ జోనర్‌లో తెరకెక్కనున్న ఈ సినిమాలో మరోసారి నయన్‌లోని సూపర్‌ స్టార్‌ని చూపించేలా ఉంటుంది అని చెబుతున్నారు.

‘సుబ్రమణ్యపురం’ సినిమాతో దర్శకుడిగా కెరీర్‌ ప్రారంభించారు శశి. ఆ తర్వాత 2010లో ‘ఈసన్‌’ అనే సినిమా చేశారు. ఆ తర్వాత మళ్లీ మెగా ఫోన్‌ పట్టలేదు. మళ్లీ ఇప్పుడు అంటే… 14 ఏళ్ల తర్వాత కెప్టెన్‌ అవతారం ఎత్తబోతున్నారు. నయన్‌కు ఇప్పటికే కథ నెరేట్‌ చేశారని, ఆమె కూడా ఆసక్తిగానే ఉన్నారని సమాచారం. ‘అన్నపూరణి: ది గాడెస్‌ ఆఫ్‌ ఫుడ్‌’ (Annapoorani: The Goddess of Food) సినిమాతో ఇటీవల ప్రేక్షకుల ముందుకొచ్చి విమర్శలు పాలైంద నయన్‌. సినిమా కథలోని కొన్ని అంశాలే దానికి కారణం.

ఇప్పుడు ఆమె చేతిలో ‘టెస్ట్‌’, ‘మనన్న్‌గాటి సిన్స్‌ 1960’ సినిమాలు ఉన్నాయి. ఇవి కాకుండా మరికొన్ని సినిమాలు చర్చల దశలో ఉన్నాయి. ఇప్పుడు శశి కుమార్‌ సినిమా ఓకే అయ్యింది అంటున్నారు. అయితే ఇవేవీ అగ్ర హీరోల సినిమాలు కాకపోవడం గమనార్హం.

సైలెంట్ గా పెళ్లి పీటలెక్కిన ‘బిగిల్’ నటి ఇంద్రజ..!

కర్ణాటకలో సినిమాలు బ్యాన్‌ అంటున్నారు… మన దగ్గరా అదే చేస్తారా?
ఈ వారం థియేటర్/ ఓటీటీల్లో రిలీజ్ కాబోతున్న 18 సినిమాలు/ సిరీస్..ల లిస్ట్