తెలుగు సినీ హీరోల్లో అత్యధికంగా క్రేజ్ ఉన్న హీరోలో పవన్ కళ్యాణ్ ముందుంటారు. అలాగే టాలీవుడ్ టాప్ డైరక్టర్లో త్రివిక్రమ్ ఒకరు. వీరిద్దరి కాంబినేషన్లో తెరకెక్కిన సినిమా అజ్ఞాతవాసి. ఈ మూవీ 150 కోట్ల ప్రీ రిలీజ్ బిజినెస్ చేసింది. ఈనెల 10న చాలా గ్రాండ్ గా రిలీజ్ అయింది. తొలి రోజు ప్రపంచవ్యాప్తంగా 26 కోట్ల షేర్ రాబట్టింది. భారీ ఓపెనింగ్స్ వచ్చాయి. సినిమాకి మిశ్రమ టాక్ రావడంతో రెండో రోజు నుంచి కలక్షన్స్ పడిపోయాయి. దీంతో డిస్ట్రిబ్యూటర్స్ ఆందోళనలో పడ్డారు. లాభాల మాట తర్వాత అసలు వస్తుందా? రాదా? అనే ఆందోళన పడ్డారు.
అందుకోసమే చిత్ర బృందం వెంకటేష్ ని రంగంలోకి దించింది. అతను గెస్ట్ రోల్ చేసిన సన్నివేశాలను సినిమాకి కలుపుతోంది. అయినా డిస్ట్రిబ్యూటర్స్ గట్టెక్కే సూచనలు కనబడడం లేదు. అందుకే త్రివిక్రమ్, పవన్ కళ్యాణ్ కొత్త నిర్ణయం తీసుకున్నారు. సినిమా నష్టం వాటిల్లితే .. ఆ మొత్తాన్ని తమ రెమ్యునరేషన్ తో పూడ్చనున్నట్లు సమాచారం. ఈ చిత్రానికి పవన్ కళ్యాణ్ 30 కోట్లు, త్రివిక్రమ్ 20 కోట్లు పారితోషికం తీసుకున్నారు. ఇందులో సగం అంటే పవన్ 15 కోట్లు, త్రివిక్రమ్ 10 కోట్లు నష్టపడ్డవారికి అందించనున్నారు.
