‘చూడప్ప సిద్ధప్ప.. నేను సింహం లాంటివాణ్ణి.. అది గడ్డం గీసుకోదు.. నేను గీసుకుంటాను. అంతే తేడా. మిగతాదంతా.. సేమ్ టు సేమ్.. అయినా లాస్ట్ పంచ్ మనదైతే.. దానికొచ్చే కిక్కే వేరప్పా’.. అత్తారింటికి దారేది ట్రైలర్ లో ఉన్న ఏకైక డైలాగ్ ఇదే. ఈ డైలాగ్ ప్రతి పవన్ ఫ్యాన్ కి నచ్చింది. ఈ డైలాగ్ సినిమాపై అంచనాలను పెంచింది. థియేటర్ కి ప్రేక్షకులను రప్పించింది. అదే విధంగా త్రివిక్రమ్, పవన్ కళ్యాణ్ కాంబినేషన్లో వస్తున్న మూడో సినిమా అజ్ఞాతవాసి. ఈ మూవీ టీజర్ గత శనివారం సాయంత్రం రిలీజ్ అయి యూట్యూబ్ రికార్డ్స్ ను తిరగరాస్తోంది. ఇప్పటికే తెలుగుతో అతి తక్కువ సమయంలో అత్యధిక మంది వీక్షించిన టీజర్ గా, అత్యధిక లైక్ లు సాధించిన టీజర్ గా అజ్ఞాతవాసి రికార్డ్ సృష్టించింది. తాజాగా దక్షిణాదిలోనూ పవన్ సినిమా టీజర్ జోరు కనిపిస్తోంది.
ఈ టీజర్ సౌత్ ఇండియాలో 24 గంటల్లో అత్యధిక లైక్ లు సాధించిన టీజర్ల జాబితాలో రెండో స్థానంలో నిలిచింది. దీంతో ప్రస్తుతం సినీ వర్గాల్లో ఎక్కడ చూసినా అజ్ఞాతవాసి గురించే చర్చ జరుగుతుంది. పాటలు కూడా హిట్ కావడంతో ట్రైలర్ ఎలా వుండబోతుందోనని మాట్లాడుకుంటున్నారు. ఎవరి అంచనాలకు అందకుండా త్రివిక్రమ్ ట్రైలర్ కట్ చేసినట్లు తెలిసింది. ఇందులో ఒక పవర్ ఫుల్ డైలాగ్ ఉంటుందని సమాచారం. ఆ డైలాగ్ వినాలంటే మరో అయిదు రోజులు ఆగాల్సి ఉంటుంది. ఈ నెల 26 న అజ్ఞాతవాసి ట్రైలర్ రిలీజ్ కానుంది. మరి ఇది ఎన్ని రికార్డులను కొల్లగొడుతుందో చూడాలి.
Home