Aishwarya Rajesh: నేనలా అనలేదు అంటూ ఐశ్వర్య క్లారిటీ… రియాక్ట్‌ అయిన రష్మిక

May 20, 2023 / 01:31 AM ISTByFilmy Focus

Join Us

Aishwarya Rajesh: నేనలా అనలేదు అంటూ ఐశ్వర్య క్లారిటీ… రియాక్ట్‌ అయిన రష్మిక

ఐశ్వర్య వర్సెస్‌ రష్మిక… గత కొన్ని రోజులుగా టాలీవుడ్‌లో ఈ చర్చ జరుగుతూనే ఉంది. ‘పుష్ప’ సినిమాలో శ్రీవల్లి పాత్ర తానైతే ఇంకా బాగా చేసేదానిని అని ఐశ్వర్య అన్నట్లు ఆ చర్చలో మాట్లాడుకుంటున్నారు. దీంతో అసలు జరిగింది ఏంటి? నిజంగానే ఆమె అలానే అన్నారా? అనేది అర్థం కాని విషయం. అయితే ఈ విషయంలో చర్చ ఎక్కువై ఇబ్బంది కలిగే పరిస్థితి తలెత్తేలా ఉందని ఐశ్వర్య స్పందించారు. దానికి రష్మిక కూడా రియాక్ట్‌ అయ్యింది.

తెలుగులో సినిమాలు చేసినా, తమిళంలోనే ఎక్కువ సినిమాలు చేస్తున్న హీరోయిన్‌గా స్థిరపడింది ఐశ్వర్య రాజేష్. టాలీవుడ్‌లో కమర్షియల్‌ బ్రేక్ అందుకోలేకపోయింది. ఇప్పుడు తమిళంలో ‘ఫర్హానా’గా ఇటీవలే వచ్చింది. ఈ సినిమా ప్రచారంలో భాగంగా ఐశ్వర్య అన్న మాటలు కొన్ని వివాదానికి దారి తీశాయి. ‘పుష్ప’ సినిమాలో రష్మిక చేసిన శ్రీవల్లి పాత్రను తను ఇంకా బాగా చేసేదానిని అని చెప్పింది. అయితే కామెంట్ రష్మిక ఫ్యాన్స్‌కు కోపం తెప్పించింది. దీనిపై ఐశ్వర్య స్పందిస్తూ… తన మాటలను తప్పుగా అర్థం చేసుకున్నారని క్లారిటీ ఇచ్చే ప్రయత్నం చేసింది.

ఇంటర్వ్యూలో తెలుగులో ఎలాంటి పాత్రలు చేయాలనుకుంటున్నారనే ప్రశ్నకు బదులిచ్చానని, అంతేకానీ ఎవరినీ తక్కువ చేసి చూపించడం నా ఉద్దేశం కాదని చెప్పుకొచ్చింది. నాకు నచ్చిన పాత్రలు వస్తే తప్పకుండా ఇక్కడ కూడా సినిమాలు చేస్తానని చెప్పే ప్రయత్నంలో ఉదాహరణగా ‘పుష్ప’ సినిమాలోని శ్రీవల్లి పాత్ర గురించి ప్రస్తావించానని క్లారిటీ ఇచ్చింది. అలాంటి పాత్రలకు తాను సరిపోతానని చెప్పడమే తన ఉద్దేశమని చెప్పింది. అయితే, దురదృష్టవశాత్తు తన స్టేట్‌మెంట్‌ను తప్పుగా అర్థం చేసుకున్నారని చెప్పింది.

ఐశ్వర్య (Aishwarya Rajesh) వివరణపై రష్మిక కూడా స్పందించింది. ‘‘నేను నిన్ను పూర్తిగా అర్థం చేసుకున్నాను. నువ్వు ఈ విషయంలో ఎవరికీ వివరణ ఇవ్వాల్సిన అవసరం లేదు. నీపై నాకు ప్రేమ, గౌరవం ఉన్నాయి. అవి ఎప్పటికీ ఇలానే ఉంటాయి. నీ ‘ఫర్హానా’ సినిమా చాలా బాగుంది. ఆల్‌ ది బెస్ట్‌’’ అని రష్మిక అంది.