కోలీవుడ్ స్టార్ హీరో ధనుష్ తన భార్య ఐశ్వర్యతో విడాకులు తీసుకోబోతున్నట్టు గత నెలలో ప్రకటించిన సంగతి తెలిసిందే. ఈరోజుకి ఆ ప్రకటన వచ్చి నెల రోజులు పూర్తికావొస్తోంది. కానీ వాళ్ళ విడాకుల ప్రాసెస్ ఇంకా ముందుకు జరగలేదు అని చెన్నై మీడియా వర్గాల మొన్నామధ్య చెప్పుకొచ్చాయి. దీనికి ప్రధాన కారణం… రజినీకాంత్ ఇద్దరికీ నచ్చచెప్పి తిరిగి కలిపే ప్రయత్నాలు చేయడమే అని వాళ్ళు చెప్పుకొచ్చారు. కానీ ఆ వార్తల్లో నిజం లేదనేది తాజా సమాచారం.
తన కూతురు తీసుకున్న నిర్ణయానికి రజినీ కాంత్ అడ్డుచెప్పలేదట.’నీ ఇష్టప్రకారమే కానివ్వు’ అని ఓ మాట చెప్పేసి ఆయన సైడ్ అయిపోయారట. అయితే కొన్ని కారణాల వలన వీళ్ళ విడాకుల ప్రాసెస్ ఆలస్యం అవుతుందని వినికిడి. అయితే రజినీ తన కూతురు కాపురాన్ని చక్కదిద్దే ప్రయత్నం ఎందుకు చేయలేదు అనే డిస్కషన్లు కూడా ఇప్పుడు మొదలయ్యాయి. నిజానికి రజినీ గత 6 ఏళ్ళుగా వీళ్ళ కాపురాన్ని చక్కదిద్దే ప్రయత్నాలు చేస్తూ వచ్చారట.
ఆయన పట్టు వల్లనే ఇన్నాళ్ళ పాటు వాళ్ళు కలిసున్నారని తెలుస్తుంది. మొన్న వాలెంటైన్స్ డే రోజున “ప్రేమ అనేది ఒక వ్యక్తితో ముడిపడేదే కాదు. నేను మా నాన్నని ప్రేమిస్తా. మా అమ్మని ప్రేమిస్తా. నా ఇద్దరు కొడుకుల్ని ప్రేమిస్తా. ప్రేమ అనేది వయసుతో పాటు, మనం పరిణితి చెందేదాన్ని ఆధారపడి ఉంటుంది” అంటూ ఐశ్వర్య తన సోషల్ మీడియాలో పోస్ట్ పెట్టింది.దీనిని బట్టి.. ఐశ్వర్య-ధనుష్ లు కలిసేది లేదని స్పష్టమవుతుంది.
ధనుష్ అయితే ఇప్పుడు కోలీవుడ్లో స్టార్ హీరోగా వెలుగొందుతున్నాడు. అక్కడ సక్సెస్ రేట్ ఎక్కువ ఉన్న హీరో కాబట్టి.. ఇతనితో సినిమాలు చేయడానికి స్టార్ డైరెక్టర్లు ఎగబడుతుంటారు. తెలుగులో కూడా శేఖర్ కమ్ముల, వెంకీ అట్లూరి వంటి దర్శకులతో సినిమాలు చేస్తున్నాడు. అతని కెరీర్ కు మాత్రం ఢోకా లేదు. ఐశ్వర్య మాత్రం తన తండ్రి సినిమాలకి సంబంధించిన పనుల్ని చూసుకుంటూ వస్తోంది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home