తెలుగమ్మాయి అయినప్పటికీ కోలీవుడ్ లో నటిగా మంచి గుర్తింపు తెచ్చుకుంది ఐశ్వర్యా రాజేష్. ఈమె ఒకప్పటి హీరో రాజేష్ కూతురు. అలానే హాస్యనటి శ్రీలక్ష్మీకి మేనకోడలు అవుతుంది. ఈ బ్యూటీ తమిళ చిత్రాలతో కెరీర్ మొదలుపెట్టింది. మెల్లగా తెలుగులో కూడా అవకాశాలు దక్కించుకుంది. టాలీవుడ్ ఆమె చివరిగా నటించిన చిత్రం ‘వరల్డ్ ఫేమస్ లవర్’. ఈ సినిమాలో ఆమె పెర్ఫార్మన్స్ గురించి ఎంత చెప్పుకున్నా తక్కువే. అంతగా తన నటనతో మెప్పించింది. ఇప్పుడు ఈమెకి టాలీవుడ్ లో క్రేజీ ఆఫర్లు వస్తున్నాయని టాక్.
రాజమౌళి తెరకెక్కిస్తోన్న ‘ఆర్ఆర్ఆర్’ సినిమాలో గిరిజన యువతి పాత్ర కోసం ఐశ్వర్యని తీసుకున్నట్లు సమాచారం. ఈ విషయాన్ని అఫీషియల్ గా కన్ఫర్మ్ చేయనున్నారు. ఇదిలా ఉండగా.. ‘అయ్యప్పన్ కోషియుమ్’ రీమేక్ లో కూడా ఐశ్వర్యని తీసుకోబోతున్నట్లు సమాచారం. పవన్ కళ్యాణ్ నటిస్తోన్న ఈ రీమేక్ ను సాగర్ చంద్ర డైరెక్ట్ చేయబోతున్నారు. కథ ప్రకారం సినిమాలో పవన్ కళ్యాణ్ భార్య పాత్ర కోసం హీరోయిన్ ను వెతుకుతున్నారు. అయితే ఈ పాత్ర తెరపై ఎక్కువసేపు కనిపించదు.
కేవలం మూడు, నాలుగు సన్నివేశాల్లో మాత్రమే కనిపిస్తుంది. కానీ ఆ సన్నివేశాలు ఎంతో ఎమోషనల్ గా ఉంటాయి. ఈ పాత్రకు ఐశ్వర్య అయితే న్యాయం చేస్తుందని భావిస్తున్నారు. ఈ క్రమంలో ఆమెతో సంప్రదింపులు జరుపుతున్నారు. పవన్ కళ్యాణ్ సినిమా కాబట్టి ఓకే చెప్పే అవకాశాలు ఉన్నా.. పాత్ర నిడివి తక్కువ కాబట్టి.. ఈ విషయంలో ఐశ్వర్య ఎలాంటి నిర్ణయం తీసుకుంటుందో చూడాలి!
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
