బిగ్ బాస్ షో చివరి దశకు చేరుకున్న సమయంలో పార్టిసిపెంట్ల కోసం వారి కుటుంబ సభ్యులను హౌస్ లోకి తీసుకురావడం చేస్తుంటారు. అన్ని సీజన్లలో ఇది కామన్ టాస్క్. ఆ సమయంలో కంటెస్టెంట్ ల ఫ్యామిలీ, సన్నిహితులు వారితో ప్రేమగా మెలుగుతుంటారు. గేమ్ బాగా ఆడాలంటూ ప్రోత్సహిస్తుంటారు. కానీ తమిళ బిగ్ బాస్ షోలో మాత్రం దీనికి భిన్నంగా ఊహించని సంఘటన చోటుచేసుకుంది. ఓ లేడీ పార్టిసిపెంట్ ను ఆమె తల్లి తీవ్రంగా మందలించి, దూషించి వెళ్లడం ఆశ్చర్యం కలిగిస్తోంది.
ప్రస్తుతం ఈ విషయం సోషల్ మీడియాలో హాట్ టాపిక్ గా మారింది. ఆ కంటెస్టెంట్ పేరు శివాని. ఈమె తమిళంలో చిన్న సినిమాల్లో కనిపించింది. టీవీ రంగంలో కూడా గుర్తింపు తెచ్చుకుంది. దీంతో ఆమెకి బిగ్ బాస్ షోలో ఛాన్స్ వచ్చింది. 85 రోజుల పాటు హౌస్ లో ఉండగలిగింది. అయితే ఆమె విషయంలో ప్రేక్షకులకు కొన్ని ప్రతికూల అభిప్రాయలు ఉన్నాయి. ప్రేక్షకులకు ఫేవరెట్‌గా మారిన కంటెస్టెంట్ ఆరితో ఆమెకి అసలు పడడం లేదు. అలానే మరో కంటెస్టెంట్ బాలాజీతో ఆమె చాలా క్లోజ్ గా ఉంటోంది.
ఇది చాలా మందికి నచ్చడం లేదు. తాజాగా శివాని తల్లి అఖిల బిగ్ బాస్ హౌస్ లోకి వచ్చింది. ఆమెని చూడగానే ఎమోషనల్ అయిపోయింది శివాని. దీంతో మొదట కూతురిని ఓదార్చిన అఖిల్ ఆ తరువాత తిట్టడం మొదలుపెట్టింది. అసలు బిగ్ బాస్ హౌస్ లోకి ఎందుకు వచ్చావ్..? ఇక్కడ ఏం చేస్తున్నావ్..? అంటూ దూషించింది. మనకి తెలిసిన వాళ్లంతా షో చూస్తారని.. ఎంతసేపూ ఆ బాలాజీ వెంట ఎందుకు తిరుగుతున్నావ్..? అంటూ ప్రశ్నించింది. నీ గేమ్ నువ్ ఆడకుండా వేరే వాళ్ల గురించి నీకెందుకు అంటూ పెద్ద క్లాస్ పీకింది. ఆ సమయంలో శివాని అరవకు అమ్మా అని చెప్పినా అఖిల్ మాత్రం తగ్గలేదు. ఇప్పుడు ఈ టోటల్ సీన్ కి సంబంధించిన వీడియోలు సోషల్ మీడియాలో వైరల్ అవుతున్నాయి.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home