బాలీవుడ్ స్టార్ హీరో అక్షయ్ కుమార్ ను సోషల్ మీడియా వేదికగా ట్రోల్ చేస్తున్నారు. దానికి కారణమంటే.. అతడు తనకంటే వయసులో ముప్పై ఏళ్లు చిన్నదైన మానుషీ చిల్లర్ తో రొమాన్స్ చేయడమే. వీరిద్దరూ కలిసి ‘పృథ్వీరాజ్’ అనే సినిమాలో నటిస్తున్నారు. పృథ్వీరాజ్ చౌహాన్ పాత్రలో అక్షయ్ కుమార్ నటిస్తుండగా.. ఆయన భార్య పాత్రలో మానుషీ చిల్లర్ నటిస్తోంది. ఈ క్రమంలో వీరిద్దరి ఏజ్ గ్యాప్ పై నెటిజన్లు సెటైర్లు వేస్తున్నారు.
ఇద్దరి మధ్య దాదాపు మూడు దశాబ్దాల గ్యాప్ ఉండడంతో ఓ రేంజ్ లో ఆడేసుకుంటున్నాడు. గతంలో కూడా అక్షయ్ ని ఇలాంటి విషయంలోనే ట్రోల్ చేశారు. ‘లక్ష్మీబాంబ్’ సినిమాలో నటించిన కియారా అద్వానీ కూడా అక్షయ్ కంటే చాలా చిన్నది. ఆ సమయంలో కూడా అక్షయ్ ని బాగా ట్రోల్ చేశారు. అక్షయ్ కుమార్ వయసు 54 అయినప్పటికీ.. అతడు చూడడానికి మాత్రం అలా ఉండడు. ఎంతో ఫిట్ గా ఉంటూ.. తనకంటే వయసులో చిన్నవాళ్లైనా హీరోయిన్లతో జత కడుతున్నారు.
దీన్ని కొందరు ట్రోల్ చేస్తున్నారు. బాలీవుడ్ తో పాటు టాలీవుడ్ లో కూడా ఇలాంటివి హలా రొటీన్ గా జరుగుతుంటాయి. తమిళంలో కూడా ఇంతే. అరవై దాటిన హీరోలు ఇప్పుడు ముప్పైల్లో ఉన్న హీరోయిన్లతో నటిస్తున్నారు. రజినీకాంత్, కమల్ హాసన్, బాలకృష్ణ, చిరంజీవి, నాగార్జున లాంటి వాళ్లు ఈ కోవలోకే వస్తారు. వీరి హీరోయిన్లను సెట్ చేయడం కూడా దర్శకనిర్మాతలకు పెద్ద టాస్క్ అయిపోతుంది. ఇప్పటికైనా.. వీరు తమ వయసుకి తగ్గ పాత్రలను ఎన్నుకుంటూ ఇండస్ట్రీలో రాణిస్తారేమో చూద్దాం!
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home