తారకరత్న ఈ లోకాన్ని విడిచి వెళ్లిపోయిన తర్వాత ఆయన భార్య అలేఖ్యా రెడ్డి సోషల్‌ మీడియాలో ఆయనను గుర్తు చేసుకుంటూనే ఉన్నారు. వారి ప్రేమ గురించి, తారకరత్న గురించి సన్నిహితులు పడ్డ కష్టం గురించి.. ఇలా చాలా విషయాలు రాసుకుంటూ వచ్చారామె. ఈ క్రమంలో తాజాగా అలేఖ్య రాసిన ఓ పోస్ట్‌ ఇప్పుడు వైరల్‌గా మారింది. తారకరత్న ఫిబ్రవరి 18న కన్నుమూసిన సంగతి తెలిసిందే. తారక రత్న మరణించి నెల రోజులైనా ఆయన జ్ఞాపకాలు తన మనసులో ఇంకా సజీవంగా ఉన్నాయని పేర్కొంటూ ఆమె కొన్ని విషయాలు రాసుకొచ్చారు.
‘‘మనం మంచి స్నేహితులు అయ్యాం, ఆ తర్వాత డేటింగ్ చేయడం స్టార్ట్ చేశాం. మన బంధం గురించి అప్పట్లో నేను కన్‌ఫ్యూజన్‌లో ఉన్నప్పటికీ కొత్త అధ్యాయం మొదలు పెట్టాలని నువ్వు కాన్ఫిడెంట్‌గా ఉన్నావ్. ఆ నిర్ణయం తీసుకున్నప్పటి నుండి నువ్వు యుద్ధం చేయడం ప్రారంభించావు’’ అంటూ తమ రిలేషన్‌ తొలినాటి రోజుల్ని గురించి చెప్పారామె. పెళ్లి చేసుకున్న తమకు కష్టాలు మొదలు అయ్యాయని అలేఖ్య ఈ సందర్భంగా చెప్పారు.
సన్నిహితులు, బంధువుల నుండి తమపై వివక్ష ఎక్కువగా కనిపించిందని, అయినా తాము బతికామని, సంతోషంగానే ఉన్నామని చెప్పిన అలేఖ్య.. తారకరత్న ఎప్పుడూ పెద్ద కుటుంబం కావాలని కోరుకునేవారని చెప్పారు. తమ పెళ్లి నుండి తారక రత్న మరణం వరకు తాము ఇబ్బందులు పడుతూనే ఉన్నామని చెప్పారామె. తారక రత్న గుండెల్లో మోసిన బాధను ఎవరూ అర్థం చేసుకోలేదని చెప్పిన ఆమె.. కష్టాల్లో సాయం చేయలేకపోయానని బాధపడ్డారు కూడా.
నువ్వే మా రియల్ హీరో ఓబు. కుటుంబంగా నిన్ను చూసి మేం గర్విస్తున్నాం. ప్రశాంతత, సంతోషం ఉన్న చోటు మళ్లీ మనం కలుద్దాం అంటూ తారకరత్న జీవితం ఎలా సాగింది అనే విషయం చెప్పారు అలేఖ్య. తారకరత్నకు సినిమాలు తగ్గిపోయిన తర్వాత ఎవరూ పెద్దగా పట్టించుకోలేదు అనే విషయం తెలిసిందే. ఇటు సినిమాలు తగ్గిపోయాయి, వ్యాపారం విషయంలో ఇబ్బందులు పడ్డారు. అయితే ఇప్పుడు అలేఖ్య చెప్పిన మాటలు చూస్తుంటే తారకరత్న ఇంత ఇబ్బందిపడ్డాడా అనిపించకమానదు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
