పాన్ ఇండియా స్టార్ ప్రభాస్ (Prabhas) హీరోగా ‘ది రాజాసాబ్’ (The Raja Saab) తెరకెక్కుతుంది. ఎప్పుడో రిలీజ్ కావాల్సిన ఈ సినిమా షూటింగ్ సకాలంలో పూర్తి కాకపోవడం వల్ల డిలే అయ్యింది. ఇది హారర్ రొమాంటిక్ సినిమా కాబట్టి.. వి.ఎఫ్.ఎక్స్ వర్క్ ఎక్కువగా ఉంది. మరోపక్క వి.ఎఫ్.ఎక్స్ కంపెనీలు ఇప్పటివరకు ఇచ్చిన ఔట్పుట్ తో సంతృప్తిగా లేకపోవడం వల్ల మేకర్స్.. మరింత టైం తీసుకుని కాన్ఫిడెన్స్ వచ్చాక సినిమాని రిలీజ్ చేయాలని మేకర్స్ భావించారు.
అందుకే డిసెంబర్ 5 కి వాయిదా వేసినట్టు ప్రకటించారు. ఇక టీజర్ రిలీజ్ కి కూడా ముహూర్తం ఫిక్స్ చేశారు. జూన్ 16 న టీజర్ రిలీజ్ కానుంది. ఇప్పుడు టీం ఫ్యాన్స్ కి మరో సర్ప్రైజ్ ఇవ్వడానికి కూడా రెడీ అయ్యింది.విషయంలోకి వెళితే.. ‘ది రాజాసాబ్’ (The Raja Saab) టీజర్ ను థియేటర్లలో కూడా ప్రదర్శించనున్నారట.
తెలుగు రాష్ట్రాల్లోని కొన్ని సెలెక్టెడ్ థియేటర్స్ లో ‘ది రాజాసాబ్’ (The Raja Saab) టీజర్ ప్రదర్శింపబడనుంది. ‘ది రాజాసాబ్’ (The Raja Saab) మంచి థియేట్రికల్ ఎక్స్పీరియన్స్ ఇచ్చే సినిమా అని మేకర్స్ బలంగా చెబుతున్నారు.అలాగే దీనికి కొంచెం హైప్ కూడా తక్కువగా ఉంది. అందువల్ల థియేటర్లలో టీజర్ ను ప్రదర్శిస్తే.. ఫ్యాన్స్ కి బాగా కనెక్ట్ అవుతుందని వారు భావిస్తున్నారు.
టీజర్లోని విజువల్స్, తమన్ బ్యాక్ గ్రౌండ్ స్కోర్ అన్నీ వావ్ అనిపించేలా చేస్తాయట. దర్శకుడు మారుతిపై ఉన్న అనుమానాలను కూడా ఈ టీజర్ పటాపంచలు చేస్తుందని.. మేకర్స్ బలంగా చెబుతున్నారు. ఇవన్నీ నిజమైతే ‘ది రాజాసాబ్’ (The Raja Saab) కి మంచి ఏర్పడటం ఖాయమనే చెప్పాలి.
