మహేష్ సినిమాలో నటించడంపై స్పందించిన అల్లరి నరేష్

మురుగదాస్ డైరెక్షన్లో  ‘స్పైడర్’ సినిమాని మహేష్ బాబు దాదాపు కంప్లీట్  చేసి, కొరటాల శివ దర్శకత్వంలో మూవీ మొదలెట్టారు. ప్రస్తుతం నగర శివార్లలో వేసిన అసెంబ్లీ సెట్ లో షూటింగ్ జరుగుతోంది. దీని తర్వాతి సినిమాని కూడా మహేష్ లైన్లో పెట్టారు. వంశీ పైడిపల్లితో తన 25వ సినిమాను చేయనున్నారు. దీనిని ప్రముఖ నిర్మాతలు దిల్ రాజు, అశ్విని దత్ లు సంయుక్తంగా నిర్మించనున్నారు. మహేష్ కెరీర్లో ల్యాండ్ మార్క్ మూవీ కానున్న ఈ ప్రాజక్ట్ లో అల్లరి నరేష్ నటిస్తున్నట్లు కొన్ని రోజులుగా వార్తలు వినిపిస్తున్నాయి. ఈ విషయంపై అల్లరి నరేష్ ను మీడియా ప్రశ్నించగా అసలు విషయం చెప్పారు.

” మహేష్ సినిమా టీమ్ నన్ను సంప్రదించిన మాట వాస్తవమే. కానీ దానిపై ఇంకా ఎలాంటి నిర్ణయం తీసుకోలేదు.” అని చెప్పారు. ఒకవేళ ఏదైనా ఉంటే తానే స్వయంగా చెబుతానని అన్నారు. ప్రస్తుతం అల్లరి నరేష్ ‘మేడ మీద అబ్బాయి’ అనే సినిమా చేస్తున్నారు. మలయాళ సూపర్ హిట్ రొమాంటిక్ కామెడీ థ్రిల్లర్ ‘ఒరు వడక్కన్ సెల్ఫీ’కి రీమేక్ గా రూపొందుతున్న ఈ మూవీ షూటింగ్ చివరి దశకు చేరుకుంది. వరుసగా అపజయాలతో సతమవుతున్న నరేష్  ‘మేడ మీద అబ్బాయి’పై హోప్స్ పెట్టుకుని ఉన్నారు.

Also, do SUBSCRIBE to our YouTube channel to get latest Tollywood updates.