ప్రేమ కథ చిత్రాల హీరో ఉదయ్ కిరణ్. కెరీర్ లో ఆటుపోట్లను తట్టుకోలేక లోకాన్ని వదిలి వెళ్లిన నటుడు.అయితే అతను చనిపోవడానికి కొన్నిరోజుల ముందు ఎంతో బాధ అనుభవించారు. ఆ బాధని కొంతమందికి మాత్రమే చెప్పుకున్నారు. పరిశ్రమలో ఉదయ్ కిరణ్ కి అత్యంత సన్నిహితుల్లో ఒకరు అల్లరి నరేష్. ఉదయ్ కిరణ్ తనతో చెప్పుకున్న కొన్ని విషయాలను నరేష్ ఓ ఇంటర్య్వూలో వెల్లడించారు. ” ఉదయ్ కిరణ్ చనిపోక ముందు ఒక రోజు నన్ను కలిసాడు. ఆ సమయంలో అతని ముఖంలో దిగులు, బాధ కనిపించాయి. ఉదయ్ ఏమైంది? ఎందుకు బాధపడుతున్నావని అడిగాను. అప్పుడు అతను ‘‘పొద్దున్నే ఒక ఆర్టికల్ చదివాను.
ఆ ఆర్టికల్లో ఒక యువహీరో కథల్ని సరిగా ఎంచుకోవట్లేదని రాయడమేకాక ఉదయ్ కిరణ్ గతే ఆ యువహీరోకు పడుతుందని రాశారని” ఉదయ్ ఏడ్చాడని నరేష్ ఆరోజు జరిగిన సంఘటనను గుర్తు చేసుకున్నారు. అటువంటివి మామూలే అని సర్ది చెప్పడానికి ప్రయత్నించినా ఉదయ్ బాధను తగ్గించలేక పోయానని వివరించారు. అవకాశాలు వచ్చినప్పుడు మీడియా అభినందించి, అపజయాలు ఎదురైనప్పుడు విమర్శిస్తాయి, అవి మాలాంటి వారిని ఎంత బాధిస్తాయో అనేందుకు ఉదయ్ ఉదాహరణ అని అల్లరి నరేష్ వివరించారు. తనపై వచ్చిన విమర్శా నాత్మక కథనాలకు చాలా సార్లు బాధపడ్డానని చెప్పారు.
