పవన్ కల్యాణ్ సినిమాలో నటించే చిన్నారి ఎవరు? గత కొన్ని రోజులుగా టాలీవుడ్ జనాల్లో, సోషల్ మీడియాలో ఇదే ప్రశ్న వినిపిస్తోంది. దాని గురించే చర్చ నడుస్తోంది. కారణం ఆయన కొత్తగా చేయబోతున్న సినిమానే. ‘ఉస్తాద్ భగత్ సింగ్’ పేరుతో పవన్ కల్యాణ్ ఓ సినిమా ఓకే చేసిన విషయం తెలిసిందే. ఈ సినిమా కథ గురించి, ఇతర వివరాల గురించి టీమ్ ఏ విషయమూ చెప్పలేదు కానీ.. ఆ సినిమా ‘తెరి’ రీమేక్ అని, ప్రస్తుతం ఆ సినిమాను పవన్ ఇమేజ్కి తగ్గట్టుగా మారుస్తున్నారని వార్తలు మాత్రం వస్తున్నాయి.
ఈ క్రమంలో అంటే కథ, కథనంలో మార్పులు చేస్తున్నప్పుడు కీలకమైన కూతురు సెంటిమెంట్లో మాత్రం ఎలాంటి మార్పు తీసుకురావడం లేదట. ఈ క్రమంలో మరి కూతురి పాత్ర ఎవరు చేస్తారు అనే ప్రశ్నకు ఆసక్తికరమైన సమాధానం వస్తోంది. ఆమె ఎవరో కాదు అల్లు వారి వారసురాలు అర్హ అని. అవును అల్లు అర్జున్ కుమార్తె అర్హ ‘ఉస్తాద్ భగత్ సింగ్’లో నటించే అవకాశం ఉంది అంటున్నారు. ‘తెరి’లో చిన్నారి పాత్రకు మంచి పేరొచ్చింది.
ఇప్పుడు అలాంటి చిన్నారిని వెతికే క్రమంలో అర్హ దగ్గర ఆగారు అని అంటున్నారు. అయితే ఈ విషయంలో ఎలాటి అఫీషియల్ ప్రకటన రాలేదు. ఒకవేళ నిజంగా అర్హ నటిస్తే.. తాతకి కూతురుగా నటించినట్లు అవుతుంది. బన్నీకి పవన్ కల్యాణ్ మావయ్య అవుతారు. ఈ క్రమంలో అర్హకు పవన్ కల్యాణ్ తాత అవుతారు. ఇప్పటికే అర్హ ‘శాకుంతలం’ సినిమాలో నటించింది.
గుణ శేఖర్ దర్శకత్వంలో రూపొందిన ఈ సినిమాలో అర్హ చిన్ననాటి భరతుడి క్యారెక్టర్ చేసింది. మరిప్పుడు ‘ఉస్తాద్ భగత్ సింగ్’ సినిమాలో అర్హ నటిస్తుందా లేదా అనేది చూడాలి. ఒకవేళ నటిస్తే మాత్రం ఫ్యాన్స్కు ఫుల్ ఫీస్ట్ అని చెప్పాలి. అల్లు వారి వంశంలో మూడో తరం.. కొణిదెల వారి వంశంలో ఒకటో తరం హీరోతో నటించడం అంటే ఆసక్తే కదా.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
