Pawan Kalyan: పవన్ రీమేక్ సినిమాలో బన్నీ కూతురు!

పవర్ స్టార్ పవన్ కళ్యాణ్, క్రిష్ దర్శకత్వంలో ‘హరిహర వీరమల్లు’ అనే సినిమా తెరకెక్కుతోంది. ఈ సినిమా పూర్తయిన తరువాత హరీష్ శంకర్ దర్శకత్వంలో ‘ఉస్తాద్ భగత్ సింగ్’ అనే సినిమా చేయబోతున్నారు పవన్ కళ్యాణ్. ఈ సినిమా తమిళ ‘తేరి’ సినిమాకి రీమేక్ అనే విషయం తెలిసిందే. రీమేక్ అయినప్పటికీ.. హరీష్ శంకర్ కేవలం స్టోరీ లైన్ మాత్రమే తీసుకొని స్క్రీన్ ప్లే పూర్తిగా పవన్ ఇమేజ్ కి తగ్గట్లుగా మార్చేశారు.

రైటర్, దర్శకుడు దశరథ్ కూడా ఈ సినిమా స్క్రిప్ట్ పై వర్క్ చేస్తున్నారు. ఇదిలా ఉండగా.. ఈ సినిమా ఎలా వుండబోతుందనే విషయం ఇప్పుడు ఆసక్తికరంగా మారింది. ‘తేరి’ సినిమాను ‘పోలీసోడు’ పేరుతో తెలుగులో డబ్బింగ్ చేసి రిలీజ్ చేశారు దిల్ రాజు. ఆల్రెడీ తెలుగులో రిలీజైన సినిమాను మళ్లీ రీమేక్ చేయడంపై ఇప్పుడు ఆసక్తి నెలకొంది. ఈ సినిమాలో హీరో కూతురు రోల్ ఒకటి ఉంటుంది. ఆ పాత్రలో ఒకప్పటి హీరోయిన్ మీనా కూతురిని తీసుకున్నారు.

ఆమె క్యారెక్టర్ నుంచే ఫ్లాష్ బ్యాక్ ఎపిసోడ్ మొదలవుతుంది. ఇప్పుడు తెలుగు రీమేక్ లో పవన్ కళ్యాణ్ కూతురిగా ఎవరు నటిస్తారనే విషయం ఆసక్తికరంగా మారింది. ఈ క్రమంలో ఓ క్రేజీ న్యూస్ చక్కర్లు కొడుతోంది. అదేంటంటే.. బన్నీ కూతురు అల్లు అర్హ.. పవన్ సినిమాలో కనిపిస్తుందని టాక్. అల్లు అర్జున్ కూతురు అల్లు అర్హ చాలా యాక్టివ్ గా ఉంటుంది. ఈమెకి సంబంధించిన ఫోటోలను, వీడియోలను బన్నీ-స్నేహ దంపతులు ఎప్పటికప్పుడు షేర్ చేస్తుంటారు.

సమంత ‘శాకుంతలం’ సినిమాతో అల్లు అర్హ చైల్డ్ ఆర్టిస్ట్ గా సినిమా ఇండస్ట్రీలో ఎంట్రీ ఇవ్వబోతుంది. ఇప్పుడు పవన్ కళ్యాణ్ సినిమాలో కూడా ఆమెని తీసుకోవాలనుకుంటున్నారట. ఈ విషయంపై ఇప్పటికే హరీష్ శంకర్.. అల్లు ఫ్యామిలీను సంప్రదించినట్లు సమాచారం. మరి ఈ విషయంలో వారు ఎలాంటి నిర్ణయం తీసుకుంటారో చూడాలి!

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!