చిన్నారి ‘కల’ను సాకారం చేసిన అల్లు అర్జున్‌

December 26, 2020 / 01:12 PM ISTByFilmy Focus

Join Us

చిన్నారి ‘కల’ను సాకారం చేసిన అల్లు అర్జున్‌

డిసెంబరు 17న ట్విటర్‌లో ఓ చిన్న వీడియో తెగ సందడి చేసింది. వితిక షేరు తన ట్విటర్‌లో పోస్ట్‌ చేసిన ఆ వీడియోలో సమీర్‌ ఓ కుర్రాడు తనకు క్రిస్మస్‌ గిఫ్ట్‌గా ‘అల్లు అర్జున్‌ ఆటోగ్రాఫ్‌’ కావాలని అడిగాడు. ‘అదేం గిఫ్ట్‌రా’ అని వితిక సరదాగా అన్నారు. ఆ కుర్రాడు చాలా పక్కాగా అదే కావాలని అడిగాడు. కుర్రాడితోపాటు ఇంకా చాలామంది చాలా గిఫ్ట్‌లు అడిగారు. కట్‌ చేస్తే డిసెంబరు 25 అంటే క్రిస్మస్‌ రోజు ఆ పిల్లల ఆశలు అన్ని తీరిపోయాయి. ఆ కుర్రాడి బన్నీ ఆటోగ్రాఫ్‌తో సహా. ఈ మొత్తం వీడియోను వితిక తన యూట్యూబ్‌ ఛానల్‌లో షేర్‌ చేసింది.

క్రిస్మస్‌ సందర్భంగా శాంటా అవతారమెత్తింది వితికా షేరు. అందులో భాగంగా ఓ అనాథాశ్రమానికి వెళ్లి పిల్లల నుంచి శాంటా గిఫ్ట్‌ల లిస్ట్‌ రాసుకొచ్చింది. అందులో భాగంగానే సమీర్‌ అనే కుర్రాడు ‘నాకు బన్నీ ఆటోగ్రాఫ్‌’ కావాలని అడిగాడు. ఆ విషయాన్ని వితిక ట్వీట్‌ చేసింది. దానిని చూసిన అల్లు అర్జున్‌ – స్నేహ ఆ పిల్లలకు స్వీట్స్‌ పంపించారు. సమీర్‌ అడిగిన ఆటోగ్రాఫ్‌ను కూడా పంపించారు. అది కూడా స్పెషల్‌ అయాన్‌ చేతికిచ్చి పంపించారు బన్నీ- స్నేహ.

ఆటోగ్రాఫ్‌ పేపర్‌ తీసుకుంటున్నప్పుడు సమీర్‌ కళ్లలో ఆనందం వర్ణించడానికి మాటలు చాలవు. ఇదే ఆనందం బన్నీ కూడా చూసి మురిసిపోయుంటాడు. దాంతో అయాన్‌ పిల్లలందరి మధ్య కేక్‌ కూడా కట్‌ చేశాడు. బుడ్డోడిగా ఉన్నప్పుడు అల్లు అయాన్‌ స్టేజ్‌ మీదకు వచ్చి తండ్రిలా అభిమానులకు అభివాదం చేయడం మనం చూశాం. కానీ ఈ వీడియోలో మాత్రం అయాన్‌ కాస్త మొహమాట పడటం కనిపిస్తోంది.