చిరుని దాటేసిన బన్నీ చరణ్ రికార్డ్ పై కన్నేశాడు

అల వైకుంఠపురంలో మూవీ యూఎస్ వసూళ్ల జోరుకు ఇప్పట్లో బ్రేక్ పడేలా లేదు. అల్లు అర్జున్- త్రివిక్రమ్ ల అల వైకుంఠపురంలో శరవేగంగా మిలియన్స్ వసూళ్లు అందుకుంటూ ముందుకుపోతుంది. విడుదలైన ఆరు రోజులలో $2మిలియన్ వసూళ్లకు చేరుకున్న ఈ చిత్రం, ఎనిమిది రోజులకు $2.8 మిలియన్ దాటివేసింది. దీనితో అల వైకుంఠపురంలో మెగాస్టార్ చిరంజీవి సైరా లైఫ్ టైం వసూళ్లను దాటివేసింది. చిరంజీవి ప్రతిష్టాత్మకంగా భారీ బడ్జెట్ తో తెరకెక్కించిన సైరా నరసింహారెడ్డి $ 2.47 మిలియన్ వసూళ్లను సాధించగా అల వైకుంఠపురంలో విడుదలైన కొద్దిరోజులలోనే ఆ ఫిగర్ ని దాటివేసింది. ఇక మహేష్ బ్లాక్ బస్టర్ మూవీ శ్రీమంతుడు రికార్డ్ పై కూడా బన్నీ కన్నేశాడు.

కొరటాల శివ దర్శకత్వంలో వచ్చిన శ్రీమంతుడు మూవీ యూఎస్ లో $2.89 వసూళ్లతో టాప్ 5 లో కొనసాగుతుండగా కేవలం కొన్ని వేల డాలర్స్ వసూళ్ల దూరంలో అల వైకుంఠపురంలో మూవీ నిలిచింది. కాబట్టి అల వైకుంఠపురంలో మహేష్ శ్రీమంతుడు రికార్డ్ ని అధిగమించడం ఖాయం. భరత్ అనే నేను, రంగస్థలం చిత్రాలు మాత్రమే అల వైకుంఠపురంలో చిత్రానికి కొంచెం దూరంలో ఉన్నాయి. కానీ అల్లు అర్జున్ జోరు చూస్తుంటే ఈ రెండు చిత్రాల రికార్డ్స్ కూడా అంత సేఫ్ కాదనిపిస్తుంది. యూఎస్ లో చరణ్ రంగస్థలం $3.5 మిలియన్ వసూళ్లతో నాన్ బాహుబలి రికార్డ్ సాధించిన చిత్రంగా ఉంది. అల వైకుంఠపురంలో… రంగస్థలం వసూళ్లను అధిగమించినట్లైతే ఆ నాన్ భాహుబలి రికార్డ్ బన్నీ సొంతం అవుతుంది.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!