అదేంటో కానీ.. అల్లు అర్జున్ ఇదివరకటిలా మెగాస్టార్ చిరంజీవి ప్రస్తావన ఎక్కువగా తీసుకురావడం లేదు. ఒకప్పుడు ‘మెగాస్టార్ నా ఇన్స్పిరేషన్.. ఆయన డ్యాన్స్ లు అంటే నాకు ప్రాణం’ అని చెప్పిన బన్నీ.. ఇప్పుడు మాట మార్చేస్తున్నాడు. ‘అల వైకుంఠపురములో’ ప్రమోషన్లలో భాగంగా ఏర్పాటు చేసిన మ్యూజికల్ ఈవెంట్లో ‘మెగా ఫ్యామిలీ’ని పక్కన పెట్టి ఎక్కువగా ‘అల్లు అర్జున్ ఆర్మీ’ గురించే ఎక్కువ మాట్లాడుతూ.. వాళ్ళని పొగిడేస్తూ వచ్చాడు. ఇక ఆ సినిమా నాన్ బాహుబలి ఇండస్ట్రీ హిట్ గా నిలవడంతో.. మెగా హీరో అనే ముద్రకు మరింత దూరంగా ఉండాలని బన్నీ అనుకుంటున్నాడా? అనే అనుమానాలు కూడా రేకెత్తుతున్నాయి.
అసలు విషయం ఏమిటంటే.. ఇటీవల ఓ ఇంటర్వ్యూలో పాల్గొన్న బన్నీకి.. ‘మీ ఫేవరెట్ డ్యాన్సర్ ఎవరు?’ అనే ప్రశ్న ఎదురైంది. ఇంకేముంది ‘మన చిరు పేరు చెబుతాడు’ అని అంతా అనుకుంటారు. కానీ బన్నీ బాలీవుడ్ నటుడు గోవిందా పేరు చెప్పాడు. అంతేకాదు ‘గోవిందా స్టెప్పులేస్తుంటే చూపు తిప్పుకోలేనంటూ’ తెగ పొగిడేసాడు.ఇక్కడ ఒక విషయం గమనిస్తే.. ‘గోవిందా కి డ్యాన్సుల్లో ఇన్స్పిరేషన్ ఎవరని అడిగితే.. అతను గతంలో చిరంజీవి పేరు చెప్పాడు. చెప్పాలంటే గోవిందా.. చిరు దరిదాపుల్లో కూడా ఉండడు అని చాలా మంది చెబుతుంటారు. సరే ఇది పక్కన పెట్టేసి.. మీకు నటనలో ఇన్స్పిరేషన్ ఎవరు అని బన్నీని అడిగితే.. దానికి కూడా చిరు పేరు చెప్పకుండా అమితాబ్ పేరు చెప్పాడు.
అసలు ‘బన్నీ… మెగాస్టార్ పేరు ఎందుకు చెప్పలేదు?’ అని చాలా మంది సందేహపడుతున్నారు. అయితే తాను సుకుమార్ డైరెక్షన్లో చేస్తున్న పాన్ ఇండియా చిత్రం ‘పుష్ప’ ని బాలీవుడ్ లో ప్రమోట్ చెయ్యడం కోసం ఇలా వారి అటెన్షన్ ను డ్రా చెయ్యడానికి ట్రై చేస్తున్నాడేమో అని కొందరు తమ అభిప్రాయాన్ని వ్యక్తం చేస్తున్నారు. అక్కడ మెగాస్టార్ పేరు చెప్తే పనవ్వదు.. కాబట్టి గోవిందా, అమితాబ్ ల పేరు చెప్పి.. హిందీలో హాట్ టాపిక్ అవ్వాలని బన్నీ ట్రై చేస్తున్నాడేమో అంటూ కామెంట్స్ వినిపిస్తున్నాయి. మరి అసలు నిజం ఏంటో బన్నీకే తెలియాలి.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
