కెమెరా మెన్లపై అల్లు అర్జున్ ఆగ్రహం

సినీ నటులకు అభిమానులు జేజేలు పలుకుతుంటే చాలా ఆనందంగా ఉంటుంది. మీడియా మిత్రులు  ఇంటర్వ్యూ కోసం వెంటపడుతుంటే గర్వంగా ఉంటుంది. ఈ అభిమానం, క్రేజ్ వల్ల నటీనటులకు తిప్పలు తప్పవు. ఇందుకు హీరోలు, హీరోయిన్లు అతీతం కాదు. కొంతకాలం క్రితం స్టైలిష్ స్టార్ అల్లు అర్జున్ కి కెమెరా మెన్లు ఇబ్బంది కలిగించారు. ఆగ్రహం తెప్పించారు. ఆ విషయంలోకి వెళితే.. అల్లు అర్జున్ పెళ్లి అయిన కొత్తల్లో భార్య స్నేహరెడ్డి తో కలిసి తిరుమలకు వెళ్లారు. వారి వెంట అల్లు అరవింద్ దంపతులు కూడా ఉన్నారు. ఈ సంగతి తెలిసిన మీడియా అల్లు అర్జున్ ప్రతి కదలికని బంధించింది. వారు ఉన్న విడిది రూమ్ కి కూడా వెళ్ళింది. బెడ్ రూంలోకి స్నేహ రెడ్డి, అల్లు అర్జున్ పోతుండగా వారి తో పాటే కెమెరా మెన్లు లోపలి వెళ్ళడానికి ప్రయత్నించారు.

అప్పటి దాకా సహనంగా ఉన్న బన్నీకి కోపం వచ్చింది. “బెడ్ రూంలోకి కూడా వచ్చేస్తారా” అంటూ వారిపై ఆగ్రహం వ్యక్తం చేసి గది తలుపులను మూసి వేశారు. అంతేకాదు శ్రీ వెంకటేశ్వర స్వామిని దర్శించుకునేందుకు ఆలయంలోకి ప్రవేశించిన అల్లు అర్జున్ కి అభిమానులు ఇబ్బంది కలిగించారు. మాటి మాటికీ అల్లు అర్జున్ అని గట్టిగా అరిచి.. ప్రశాంతగా నమస్కారం పెట్టుకోకుండా చేశారు. ఈ సమయంలో బన్నీ ఫ్యాన్స్ పై చెయ్యి ఎత్తి అభివాదం చేస్తూ సహనంతో నడుచుకున్నారు. 2013 లో జరిగిన ఈ సంఘటన వీడియో ఇప్పుడు సోషల్ మీడియాలో చక్కర్లు కొడుతోంది.

Also, do SUBSCRIBE to our YouTube channel to get latest Tollywood updates.