కొన్నాళ్ల క్రితం స్టైలిష్ స్టార్ అల్లు అర్జున్ ‘ఐకాన్’ సినిమా చేస్తున్నట్లు ప్రకటించారు. ఆ తరువాత ఐకాన్ లోగో ఉన్న క్యాప్ పెట్టుకొని కనిపించేవారు. దీంతో బన్నీ హీరోగా ‘ఐకాన్’ సినిమా రావడం ఖాయమని అభిమానులు ఫిక్స్ అయ్యారు. కానీ ఎందుకో బన్నీ ఈ ప్రాజెక్ట్ ను పక్కన పెట్టేశారు. దానికి కారణాలు చెప్పలేదు. వేణుశ్రీరామ్ దర్శకుడిగా దిల్ రాజు నిర్మాతగా ఈ సినిమా తెరకెక్కాల్సివుంది. కానీ హోల్డ్ లో పడిపోయింది. ప్రస్తుతం బన్నీ ‘పుష్ప’ షూటింగ్ లో బిజీగా ఉన్నారు.
అయితే ఇప్పుడు ఈ సినిమా అనుకున్న తేదీ కంటే ఆలస్యంగా వస్తుందని అంటున్నారు. డిసెంబర్ వరకు సినిమా రిలీజయ్యే ఛాన్స్ లేదని టాక్. అందుకే బన్నీతో నెక్స్ట్ సినిమా చేయాల్సిన కొరటాల శివ.. ఎన్టీఆర్ తో సినిమా మొదలుపెట్టబోతున్నాడు. ఇది బన్నీ-ఎన్టీఆర్ లు మాట్లాడుకొని మ్యూచువల్ గా తీసుకున్న డెసిషన్. కొరటాల మళ్లీ వెనక్కి రావడానికి కనీసం ఏడాది సమయం పడుతుంది. ఈలోగా బౌండెడ్ స్క్రిప్ట్ తో రెడీగా ఉన్న ‘ఐకాన్’ సినిమాను పట్టాలెక్కించాలని ప్లాన్ చేస్తున్నాడు బన్నీ.
పైగా వేణుశ్రీరామ్ డైరెక్ట్ చేసిన ‘వకీల్ సాబ్’ సినిమా భారీ విజయాన్ని అందుకోవడంతో ‘ఐకాన్’ ప్రాజెక్ట్ పై బన్నీకి నమ్మకం మరింతగా పెరిగింది. దీంతో ఇప్పుడు బన్నీ-దిల్ రాజు-వేణుశ్రీరామ్ ల కాంబినేషన్ మళ్లీ షురూ అయింది. ‘వకీల్ సాబ్’ హడావిడి ఉండగానే.. అప్పుడే రెండు డిస్కషన్ మీటింగ్ లు జరిగినట్లు తెలుస్తోంది. దీన్నిబట్టి ఈసారి సినిమా రావడం పక్కా అనిపిస్తుంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home