టాలీవుడ్ బడా ప్రొడ్యూసర్ దిల్ రాజు నిర్మాణ వ్యూహం ఈమధ్య కాస్త మారింది. ఒకేసారి వందల కోట్ల భారీ ప్రాజెక్టుల వెంట పడకుండా, కంటెంట్ బేస్డ్ మరియు మీడియం రేంజ్ సినిమాలపై ఆయన ఫోకస్ పెట్టారు. ఇందులో భాగంగానే తన మెయిన్ బ్యానర్ ‘శ్రీ వెంకటేశ్వర క్రియేషన్స్’ పై విజయ్ దేవరకొండ ‘రౌడీ జనార్ధన్’, దేవిశ్రీ ప్రసాద్ పాన్-ఇండియా మూవీ ‘ఎల్లమ్మ’ ఆశిష్ రెడ్డి ‘దేత్తడి’ లాంటి ప్రాజెక్టులను నిర్మిస్తున్నారు. అయితే ఈ బ్యానర్ బ్రాండ్ ఇమేజ్ను 2027 నాటికి మళ్లీ వందల కోట్ల భారీ క్రేజీ ప్రాజెక్టుల వైపు మళ్లించేందుకు ఆయన అదిరిపోయే స్కెచ్ వేశారు. అందులో ఐకాన్ స్టార్ అల్లు అర్జున్ ప్రాజెక్ట్ కూడా ఒకటి.
దిల్ రాజు, అల్లు అర్జున్ కాంబో అంటేనే బాక్సాఫీస్ దగ్గర మినిమం గ్యారెంటీ. వీళ్లిద్దరి కాంబినేషన్లో వచ్చిన ‘ఆర్య’, ‘పరుగు’ లాంటి సినిమాలు కమర్షియల్గా హిట్స్ సాధించాయి. ఆ ట్రాక్ రికార్డ్, వాళ్ల మధ్య ఉన్న పర్సనల్ బాండింగ్తో మరోసారి బన్నీతో భారీ ప్రాజెక్ట్ నిర్మించాలని దిల్ రాజు ఫిక్స్ అయ్యారు. అయితే బన్నీ ప్రస్తుతం ఫుల్ బిజీగా ఉన్నారు. అట్లీ డైరెక్షన్లో వస్తున్న ‘రాకా’ పూర్తయ్యాక, లోకేష్ కనగరాజ్తో ఓ పాన్ ఇండియా ఫిల్మ్, ఆ వెంటనే హోమ్ బ్యానర్ ‘గీతా ఆర్ట్స్’ లో మరో సినిమా చేయాల్సి ఉంది.
ఈ కమిట్మెంట్స్ అన్నీ పూర్తయ్యాకే దిల్ రాజు బ్యానర్లో సినిమా చేయడానికి బన్నీ గ్రీన్ సిగ్నల్ ఇచ్చారట. ఈ లెక్కన చూసుకుంటే.. ఈ క్రేజీ కాంబో 2028లో సెట్స్ పైకి వెళ్లే ఛాన్స్ ఉంది. అయితే, ఈ ప్రాజెక్ట్ కోసం ఏ డైరెక్టర్ను రంగంలోకి దించాలనే దానిపై దిల్ రాజు టీమ్ తీవ్రంగా కసరత్తు చేస్తోంది. నిజానికి ప్రశాంత్ నీల్ను లాక్ చేయాలని ముందుగా ట్రై చేసినా.. ఆయన చేతిలో ఉన్న వరుస ప్రాజెక్టుల వల్ల అది కుదరలేదని ఇండస్ట్రీ టాక్. ఈ ఏడాది చివరికల్లా ఓ టాప్ డైరెక్టర్ను, పవర్ఫుల్ స్క్రిప్ట్ను ఫైనల్ చేయాలని చూస్తున్నారు. అన్నీ కుదిరితే 2027లో ఈ పాన్ ఇండియా ప్రాజెక్ట్పై అఫీషియల్ అనౌన్స్మెంట్ రానుంది.
