వెట్రిమారన్ – ఎన్టీఆర్‌ కాంబినేషన్‌లో సినిమా అంటూ.. చాలా రోజుల నుండి వార్తలు వింటున్నాం. సింగిల్‌ సినిమా అని కొందరు, కాదు మల్టీస్టారర్‌ అని మరికొందరు అంటూ వచ్చారు. దీనిపై వెట్రిమారన్ గతంలో ఒకసారి క్లారిటీ ఇవ్వగా.. తాజాగా మరోసారి పూర్తి స్థాయిలో మాట్లాడి చాలా క్లారిటీ ఇచ్చారు. దీంతో మరో ఇద్దరు టాలీవుడ్‌ హీరోల సినిమాల గురించి కూడా చెప్పారు. దీంతో ఇప్పుడు ఆయన మాటలు వైరల్‌గా మారాయి.
‘ఆడుకాలం’ సినిమా తర్వాత ఓసారి అల్లు అర్జున్‌ని చెన్నైలో కలిశాను. అప్పుడు బన్నీ మాట్లాడుతూ తనకు తమిళ పరిశ్రమలోకి ఎంట్రీ ఇవ్వాలనే ఉద్దేశ్యం ఉందని చెప్పారు. ఏదైనా స్టోరీ ఉంటే చెప్పండి అని కూడా అడిగాడు. దాంతో ‘వడ చెన్నై’ సినిమాలో అల్లు అర్జున్‌కి ఓ పవర్‌ఫుల్ రోల్ చెప్పాను. ఆ తర్వాత ‘వడ చెన్నై’ సినిమా స్టోరీని మార్చి రాసి బన్నీకి చెప్పాను. అయితే కానీ కొన్ని కారణాల వల్ల బన్నీ ఆ పాత్ర చేయలేదు అని వెట్రిమారన్ చెప్పారు.
మొత్తంగా చూస్తే ‘వడ చెన్నై’ లాంటి సూపర్ హిట్ కోలీవుడ్ మూవీని (Allu Arjun) అల్లు అర్జున్ మిస్ చేసుకున్నాడు అని చెప్పాలి. అయితే ఛాన్స్ వస్తే అల్లు అర్జున్‌తో మంచి సినిమా చేయాలనే ఆలోచన ఉన్నట్లు వెట్రిమారన్ తెలిపారు. వెట్రిమారన్ దర్శకత్వంలో విజయ్‌ సేతుపతి, సూరి కీలక పాత్రల్లో నటించిన తమిళ చిత్రం ‘విడుదలై పార్ట్‌ 1’. తమిళంలో ఇటలీవల ప్రేక్షకుల ముందుకు వచ్చిన ఈ చితరం బాక్సాఫీస్‌ వద్ద మంచి విజయాన్ని అందుకుంది.
ఇప్పుడు తెలుగులో ‘విడుదల పార్ట్‌ 1’ ఏప్రిల్‌ 15న ప్రేక్షకుల ముందుకు రానుంది. ఈ సందర్భంగా హైదరాబాద్‌లో జరిగిన విలేకరుల సమావేశంలో వెట్రిమారన్ ఈ విషయాలు చెప్పుకొచ్చారు. వెట్రిమారన్ ‘విడుదలై పార్ట్‌ 1’కు కొనసాగింపుగా ‘విడుదలై పార్ట్‌ 2’ తెరకెక్కించే పనిలో ఉన్నారు. దీని తర్వాత సూర్యతో ‘వాడివాసల్’ అనే సినిమా తెరకెక్కిస్తారు. మరోవైపు బన్నీ ‘పుష్ప 2’ తర్వాత కొరటాల శివ, సందీప్‌ రెడ్డి వంగా సినిమాలు చేస్తారని టాక్‌. కాబట్టి వెట్రిమారన్ – బన్ని సినిమా ఎప్పుడు అనేది చూడాలి.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
