మాస్ మహారాజ్ రవితేజని యువ దర్శకుడు బాబీ పవర్ సినిమాలో చాలా పవర్ ఫుల్ గా చూపించి ఇండస్ట్రీ దృష్టిని ఆకర్షించారు. పోలీస్ పాత్ర ను చూపించిన విధానం నచ్చి పవర్ స్టార్ పవన్ కళ్యాణ్ సర్దార్ గబ్బర్ సింగ్ అవకాశం ఇచ్చారు. అయితే ఆ చిత్రం ఆశించినంతగా ఆడలేదు. ఆ కసితో జై లవకుశ అనే అద్భుతమైన కథను రాసుకొని వేగంగా చిత్రీకరణ పూర్తి చేశారు. ఎన్టీఆర్ త్రి పాత్రాభినయం చేస్తున్న ఈ సినిమా ఈనెల 21 న రిలీజ్ కానుంది.
జై లవకుశ సినిమా పనులు దాదాపు పూర్తి కావడంతో బాబీ నెక్స్ట్ సినిమా కి కథ సిద్ధం చేసినట్లు తెలిసింది. ఈ స్టోరీ ని రీసెంట్ గా అల్లు అర్జున్ కి వినిపించారట. అతనికి కథ నచ్చింది. అయినా ఒక షరతు విధించారని తెలిసింది. జై లవకుశ హిట్ అయితేనే సినిమా చేస్తానని మాట ఇచ్చినట్టు ఫిలిం నగర్ వాసులు చెబుతున్నారు. దీంతో బాబీ బన్నీ సినిమా ఓకే అయినట్లేనని సంబరపడుతున్నట్లు సమాచారం. ఎందుకంటే జై లవకుశ అన్ని రికార్డులను తిరగరాస్తుందని చిత్ర బృందం నమ్మకంతో ఉన్నారు.
Also, do SUBSCRIBE to our YouTube channel to get latest Tollywood updates.
