అల వైకుంఠపురంలో మూవీ తో వచ్చిన సక్సెస్ ని ఎంజాయ్ చేస్తున్న బన్నీ త్వరలో సుకుమార్ డైరెక్షన్ లో తెరకెక్కుతున్న తన 20వ సినిమా షూటింగ్ లో పాల్గొననున్నాడు. ఇప్పటికే కేరళలో సుకుమార్ ఓ షెడ్యూల్ పూర్తి చేశారు. ఈ షెడ్యూల్ నందు బన్నీ పాల్గొనలేదు. కాగా టాలీవుడ్ లో భారీ స్టార్ డమ్ కలిగిన హీరోగా ఉన్న, ఆయన బాలీవుడ్ ఎంట్రీ ఇవ్వాలని ఇప్పటి నుండో ఫ్యాన్స్ ఎదురుచూస్తున్నారు. దీని గురించి ఓ జాతీయ మీడియా అల్లు అర్జున్ ని అడుగగా తనకు సరిపోయే మంచి కథ దొరకాలే కానీ బాలీవుడ్ మూవీ చేయడానికి నేను ఎప్పుడూ సిద్ధమే అని చెప్పుకొచ్చారు.
బాలీవుడ్ లో బన్నీ ఇంత వరకు ఓ స్ట్రైట్ మూవీ విడుదల చేయకున్నప్పటికీ, ఈయన హిందీ ప్రేక్షకులకు సుపరిచితుడే. బన్నీ నటించిన సరైనోడు, దువ్వాడ జగన్నాధం హిందీలో డబ్భై యూ ట్యూబ్ లో విడుదల కాగా… వందల మిలియన్ వ్యూస్ దక్కించుకున్నాయి. బన్నీకి ఉన్న స్కిల్స్ రీత్యా అయన బాలీవుడ్ లో సక్సస్ అయ్యే అవకాశాలు మెండుగా ఉన్నాయి. బన్నీ బాలీవుడ్ ఎంట్రీ ఇస్తే చూసి ఎంజాయ్ చేయాలని ఆరాటపడుతున్న ఫ్యాన్స్ ఆశ ఎప్పుడు తీరుతుందో చూడాలి.
Most Recommended Video
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు
