మాస్ మహారాజ్ రవితేజ ఇప్పుడు గోపీచంద్ మలినేని డైరెక్షన్లో ‘క్రాక్’ సినిమా చేస్తున్నాడు. ఈ చిత్రంతో ఎలాగైనా హిట్టు కొట్టాల్సిన పరిస్థితి. పాపం వరుసగా ‘టచ్ చేసి చూడు’ ‘నేల టిక్కెట్’ ‘అమర్ అక్బర్ ఆంటోని’ ‘డిస్కో రాజా’ ఇలా నాలుగు ప్లాపులు అందుకుని రేసులో వెనుకపడ్డాడు. మరోపక్క కుర్ర హీరోలందరూ దూసుకుపోతుంటే.. రవితేజ లాంటి సూపర్ క్రేజ్ ఉన్న హీరో తన సినిమాలతో 10 కోట్ల షేర్ ను కూడా రాబట్టలేకపోతున్నాడు. కాబట్టి ఈ సమ్మర్ కి కచ్చితంగా ‘క్రాక్’ తో హిట్టు కొట్టాల్సింది. ఇదిలా ఉండగా ఈ ఏడాది వచ్చిన ‘డిస్కో రాజా’ చిత్రం ముందుగా వేరే హీరో దగ్గరికి వెళ్ళిందట. ఆ హీరో మరెవరో కాదు మన స్టైలిష్ స్టార్ అల్లు అర్జున్.
‘నా పేరు సూర్య నా ఇల్లు ఇండియా’ సినిమా టైంలోనే దర్శకుడు వి.ఐ.ఆనంద్ ‘డిస్కో రాజా’ కథని బన్నీకి చెప్పాడట. మొదట్లో ఇంట్రెస్ట్ చూపించిన బన్నీ ఆ తరువాత.. తన తమ్మడు శిరీష్ తో వి.ఐ.ఆనంద్ రూపొందించిన ‘ఒక్క క్షణం’ ప్లాపవ్వడం.. అటు తరువాత ‘నా పేరు సూర్య నా ఇల్లు ఇండియా’ చిత్రం కూడా డిజాస్టర్ అవ్వడంతో… ‘ఆ టైంలో రిస్క్ చేయడం ఎందుకులే’ అని లైట్ తీసుకున్నాడట. అలా అది రవితేజ చేయడం.. అది కాస్త ప్లాపవ్వడం జరిగింది. ఏమైనా రవితేజ నటన మాత్రం ఆ చిత్రంలో సూపర్ అనే చెప్పాలి. అలా బన్నీ రిజెక్ట్ చేసిన కథ చేసి రవితేజ మరో ప్లాప్ ను మూటకట్టుకున్నాడని తెలుస్తుంది.
Most Recommended Video
‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!
