‘పుష్ప’ సినిమాతో అల్లు అర్జున్ స్థాయి ఎంతలా మారిపోయిందో ప్రత్యేకంగా చెప్పక్కర్లేదు. ఇప్పుడు ఆయన కేవలం టాలీవుడ్ హీరో కాదు, నేషనల్ వైడ్ ఐకాన్. ఈ క్రేజ్‌ని దృష్టిలో పెట్టుకుని, గతంలో బన్నీకి బ్లాక్ బస్టర్స్ ఇచ్చిన దర్శకులు మళ్లీ ఆయనతో సినిమాలు చేయడానికి ఉత్సాహం చూపిస్తున్నారు. సురేందర్ రెడ్డి, బోయపాటి శ్రీను లాంటి మాస్ డైరెక్టర్లు బన్నీని కలిసి కథలు వినిపించినట్లు ఇండస్ట్రీలో గుసగుసలు వినిపిస్తున్నాయి. అది కూడా మామూలు కథలు కాదు, ఫ్యాన్స్ ఎప్పటి నుంచో కోరుకుంటున్న క్రేజీ సీక్వెల్స్.
ALLU ARJUN
సురేందర్ రెడ్డి ‘రేసుగుర్రం 2’ ఐడియాతో వెళితే, బోయపాటి శ్రీను ఊర మాస్ ‘సరైనోడు 2’ స్క్రిప్ట్ తో బన్నీని అప్రోచ్ అయ్యారట. ఈ రెండు సినిమాలు బన్నీ కెరీర్‌లో అప్పట్లో బిగ్గెస్ట్ హిట్స్. ఇవి మళ్లీ వస్తే తెలుగు రాష్ట్రాల్లో కలెక్షన్ల వర్షం కురవడం ఖాయం. కానీ ఇక్కడే బన్నీ తన స్టాండ్ మార్చుకున్నట్లు తెలుస్తోంది. ఈ రెండు ప్రాజెక్టులను ఆయన సున్నితంగా తిరస్కరించినట్లు సమాచారం.
దీనికి ప్రధాన కారణం బన్నీ ఫోకస్ ఇప్పుడు పూర్తిగా పాన్ ఇండియా, పాన్ వరల్డ్ సినిమాల మీదే ఉండటం. రేసుగుర్రం, సరైనోడు వంటివి పక్కా రీజినల్ సినిమాలు. మన నేటివిటీకి, మన మాస్ ఆడియన్స్‌కి అవి పిచ్చెక్కించేస్తాయి కానీ, నార్త్ ఆడియన్స్‌కి లేదా గ్లోబల్ ఆడియన్స్‌కి అవి రొటీన్ మసాలా సినిమాల్లాగే అనిపిస్తాయి. అందుకే తన ఇమేజ్‌ను పెంచే యూనివర్సల్ సబ్జెక్ట్స్ తప్ప, ఇలాంటి రీజినల్ సీక్వెల్స్ చేయడానికి బన్నీ ఆసక్తి చూపించడం లేదట.
అందుకే ఇప్పుడు బన్నీ లైనప్‌లో అట్లీ, త్రివిక్రమ్, సందీప్ వంగా వంటి దర్శకులు ఉన్నారు. వీరంతా తమ కథలను నేషనల్ ఆడియన్స్‌కి కనెక్ట్ అయ్యేలా తీర్చిదిద్దగలరు. మినిమం 1000 కోట్ల మార్కెట్‌ను టార్గెట్ చేసిన బన్నీ, కేవలం తెలుగు బాక్సాఫీస్ దగ్గర సేఫ్ గేమ్ ఆడటానికి ఇష్టపడటం లేదు. రిస్క్ అయినా సరే, స్కేల్ పెద్దదిగా ఉండాలని కోరుకుంటున్నారు.
