అల్లు శిరీష్ హీరోగా నటిస్తోన్న ‘శ్రీరస్తు శుభమస్తు’ సినిమా విడుదలకు సిద్ధంగా ఉంది. ఈ సినిమా తరువాత శిరీష్, మల్లిడి వేణు దర్శకత్వంలో ఓ సినిమా అంగీకరించాడు. ఈ సినిమా పూజా కార్యక్రమాలు కూడా జరుపుకొంది. ఈ సినిమాతో మల్లిడి వేణు డైరెక్టర్ గా పరిచయం కానున్నాడు. ఈ సినిమాపై స్పెషల్ క్రేజ్ తీసుకురావడానికి చిత్ర బృందం ఓ ప్లాన్ వేసింది.
ఈ సినిమాలో అల్లు అర్జున్ కనిపిస్తే దానికిమించిన స్పెషల్ క్రేజ్ ఉండదని ఆయనను సంప్రదించారు. తమ్ముడి కోసం బన్నీ ఒకే చెప్పినట్లు తెలుస్తోంది. నిజానికి అల్లు అర్జున్ కి మల్లిడి వేణు కుటుంబంతో మంచి సాన్నిహిత్యం ఉంది. గతంలో అల్లు అర్జున్ నటించిన ‘బన్నీ’ చిత్రాన్ని నిర్మించింది మల్లిడి వేణు తండ్రే.. ఆ అనుబంధంతోనే బన్నీ గెస్ట్ రోల్ కి అంగీకరించినట్లు టాక్. అల్లు వారబ్బాయిలు ఇద్దరు కనిపించే చిత్రం కావడంతో డైరెక్టర్ కథ విషయంలో మరిన్ని జాగ్రత్తలు తీసుకుంటున్నట్లు తెలుస్తోంది.
